eMoTiOnS: အိမ်အပြန်နွေ

Tuesday 20 March 2012

အိမ်အပြန်နွေ

တစ်နှစ်သာသာပဲနေဖူးတဲ့ မြို့ကတောင်
Identity Cardလေးပြလိုက်နိုင်ရင်...
အားရ၀မ်းသာ ကြိုဆိုသေးတယ်...
ခုတော့ ၂၅နှစ်စာ ရှင်သန်ခဲ့ဖူးတဲ့မြေပေါ်ခြေအချ...
ဖြည့်လိုက်ရတဲ့စာရွက်တွေ....
အမေလို့ခေါ်ဖို့အရေး.... မွေးစာရင်းပြန်တောင်းနေသလိုပါပဲလား...

အပြောင်းအလဲတဲ့....
တတ်လဲတတ်နိုင်လွန်းတယ်....
ကျားကြောက်နေရတဲ့ဘ၀ နေသားကျနေမှတော့....
ဘယ်အချိန်ပေါ်လာမယ်မှန်းမသိတဲ့ ရှင်ကြီးဆိုတာကို
ကြောက်စရာမလိုဘူးတော့မပြောပါနဲ့တော့.....

ဖော်ရွေတယ်တဲ့...
နားလည်မှုဆိုတဲ့.... တစ်ဆုံးတိုင်အဓိပ္ပါယ်ရောက်တဲ့စကားလုံးကို
ထည်လဲသုံးတတ်တဲ့...ယူနီဖောင်းဝတ်တွေကိုပြောတာလား...

နွေးထွေးတယ်တဲ့...
အလုံပိတ်အဲကွန်းကားပေါ်က....မွေးပွအင်္ကျီနဲ့လူကပြောတာလား....
(ဒါမှမဟုတ်)....
နေရောင်ပြင်းပြင်းအောက်က..မှိန်ဖျော့ဖျော့မျှော်လင့်ချက်မျက်ဝန်းပိုင်ရှင်
ဆုတောင်းသံတရစပ်နဲ့ အမယ်အိုကပြောတာလား....

ငွေ့ငွေ့လေးကျန်တဲ့ တနင့်တပိုးမျှော်လင့်ချက်တွေ...
ခဏပြန်အသက်သွင်းကြည့်တယ်....
(ခုချိန်ထိ) ဘာလို့များ ကာရန်မညီနိုင်သေးတာလဲ.....

ခြေစုံကန်တယ်လို့သာ အားမနာတမ်းပြောလိုက်ပါ....
ရန်ကုန်ရေ......
နင့်အရိပ်က.. ငါ့အတွက်တော့ တော်တော်ပူနေသေးတယ်...

(၁၉.၀၃.၂၀၁၂)

4 comments:

Anonymous25 March 2012 at 13:33
"နေရောင်ပြင်းပြင်းအောက်က..မှိန်ဖျော့ဖျော့မျှော်လင့်ချက်မျက်ဝန်းပိုင်ရှင်
ဆုတောင်းသံတရစပ်နဲ့ အမယ်အိုကပြောတာလား...."
ဘယ်သူ များလဲလို့ရုတ်တရက် အတွေးပွါးမိသွားပါတယ်
ReplyDelete
Replies
khin oo may26 March 2012 at 03:06
ကွန်မက်မပေးရင်ကော ကျေးဇူးတင်မှာလား. . ကွန်မက်ရေးရရင်အရှည်ကြီးဖြစ်သွားမှာစိုးလို့ရင်နဲ့ဘဲ ဖတ်လိုက်တော့နော်။ ကွန်မက်တေါ ပြန်တတ်တာ ကောင်းပါတယ်။ စာဖတ်သူ ကျေနပ်ရတာပေါ့။
ReplyDelete
Replies

Subscribe to: Post Comments (Atom)