eMoTiOnS

Monday, 18 February 2013

ကိုယ်ပိုင်ခရီး

ရောက်ရာပေါက်ရာ.... ဦးတည်ထားပေမယ့်......
အချိန်တန်တော့... ဒီဝပ်ကျင်းပဲ... သစ္စာရှိရှိ ပြန်လည်လာတယ်.....

လက်ခံမယ့်သူမရှိတဲ့ စာကိုမှ မှတ်ပုံတင်ပြီး ပို့မိသလိုပေါ့...
အချစ်ဆိုတာ.. လူပေါင်းမှားတော့လဲ.....
အထီးကျန်ခြင်းတွေပဲ..... ကိုယ့်ဆီ တစ်ကျော့ပြန်တယ်.....

Page Not Found ဆိုတာထက်...
Request Time out က ပိုခံရခက်တယ်ဆိုတာ မသိလေရော့ထင်....
ကြိုးရှည်ရှည်နဲ့တော့ ချည်မထားနဲ့...
တစ်ခါတည်းအပြီးပိုင်ထွက်သာသွားလိုက်ပါတော့.....

နားလည်လွန်းလို့ ခက်နေတဲ့ ဘ၀နှစ်ခုတွေကြား...
ချစ်ခြင်းတွေ မပြည့်ဝနိုင်ကြမှတော့....
ငါတို့တွေ..... ကိုယ့်လမ်းကိုယ်လျှောက်ကြရအောင်လား....

Friday, 18 January 2013

ဒေါင့် မှ အမှန်တရားများ

ရောမဆိုတာ
ဒဏ္ဍာရီမဟုတ်ဘူး
တကယ်ရှိခဲ့တာ
ပုဂံကတော့
တစ်နေ့တစ်လံရွေ့နေတယ်
ပြားနေတဲ့ကမ္ဘာမှာ
လုံးဝန်းတဲ့ အကြောင်းတရားဟာ
လှောင်ပြောင်ခြင်းနဲ့
သေဒဏ် ကျခဲ့ဖူးတယ်
တစ်နေ့တစ်မျိုးမရိုးနိုင်တဲ့
အမှန် တရားတွေမှာ
ငါဟာ အလိုက်တသိနဲ့
တရားခံတယောက်
(သို့) မှားယွင်းမှုတခု
အဲဒီအတွက်
စကြာဝဋ္ဌာက
လူကိုဗဟိုပြုပြီး
ထောင့်သုံးထောင့်ပေါင်း
ထောင့်ငါးရာရတယ်။

ဒိုမီနို

Thursday, 17 January 2013

အလိုက်ကန်းဆိုး

အလိုက်ကန်းဆိုးဆိုတာ....
တောင်းတဲ့သူအတွက်ထားတဲ့စကားမှတ်တာ....
ပေးချင်လဲ အရိပ်အခြေကြည့်ရကြောင်း....
(ခုတစ်ခါ) ထပ်လောင်းမှတ်ထားတယ်.......

မလိုအပ်တဲ့သူအပေါ်ကိုမှ
ပုံအောမိခဲ့တဲ့အတွက်.....စေတနာဆိုတာ...
လူမြင်ကွင်းပေါ်က...သေရာပါအမာရွတ်တစ်ခု....

ကိုယ့်ခေါင်းကိုယ်မထူ.... ကိုယ့်စိတ်မလွန်ဆန်နိုင်သေးသရွေ့တော့
Runမပါ..ထွေစုံလိုက်နဲ့...
အပေါ်အိမ်က ဂျိုကာစောင့်သလိုမျိုး.....
ဝိုင်းထဲ...ငုတ်တုတ်မေ့နေဦးမှာပဲ......

Saturday, 29 December 2012

လွဲချက်ရယ်နာ

မြန်မာမှာတော့ လေယာဉ်ဘီးပေါက်တယ်....
ငါကတော့ ဖိနပ်ပျောက်နေတယ်....
သွားမရတာချင်းတော့ အတူတူပဲ....
ဒါပေမယ့် ကွာတော့အကွာကြီးပါပဲ...

ဟိမ၀န္တာက လင်းဒကြီးတွေတော့ ရန်ကုန်ရောက်နေတယ်...
နင်ကော ဘယ်ရောက်နေသေးလဲ....
နေရပ်စွန့်သူတွေချင်းတော့ အတူတူပဲ......
ဒါပေမယ့်...ကွာတော့အကွာကြီးပါပဲ....

အိုဘာမားက အိမ်ခြေယာခြေမဲ့တွေနဲ့ နေ့လည်စာစားရင်း...
လုပ်အားပေး စားပွဲထိုးဝင်လုပ်တယ်....
ဒီမှာတော့..........
အင်း.....တူတာတော့ အတူတူပဲ.....
ဒါပေမယ့်... ဒါပေမယ့်လေ..... ကွာတော့အကွာကြီးပါပဲ....

Saturday, 22 December 2012

သူ့ဘက်ကိုယ့်ဘက်

ထားခဲ့တဲ့သူတစ်ယောက်အနေနဲ့.....
ရက်စက်တတ်သူလို့ ခေါင်းစဉ်တပ်ခံရတာ ........ ခံရခက်သလို....
ကျန်ခဲ့တဲ့သူအနေနဲ့ကျတော့လည်း.....
ငါမရှိတဲ့ဘ၀ထဲ....နင်ပျော်နေမှာပါလို့ ကောက်ချက်ချခံရတာ..... ၂ခါပြန်ရင်နာရတယ်.....

နားလည်မပေးနိုင်တဲ့သူအနားနေရတဲ့ဘ၀
ဘယ်လိုနေနေ ကာရန်မကိုက်သလို....
နင့်အကြောင်း ငါအသိဆုံးပါဆိုပြီး အဝေးထွက်သွားတဲ့သူအတွက်လည်း....
( နားလည်မပေးနိုင်သရွေ့....)
ကိုယ့်စိတ်နဲ့ ကိုယ့်ကိုယ်.....
တစ်ကြောင်းထဲပေမယ့် အ၀င်အထွက်လွဲနေဦးမှာပဲ.....

ယောက်ျားတစ်ယောက်အနေနဲ့
ကိုယ့်ချစ်သူက သူ့အပေါ်ကိုယ်တစ်ကယ်ချစ်ရဲ့လားလို့ သံသယအ၀င်ခံရတာ စိတ်ပျက်ဖို့ကောင်းသလို
မိန်းမတစ်ယောက်အနေနဲ့လည်း
ကိုယ့်ချစ်သူက တစ်ကယ်ချစ်ရဲ့လားလို့တွေးပူရတာ..... ကမ္ဘာပျက်သလောက်ပါပဲ......

Friday, 14 December 2012

ရန်ကုန်

ကွမ်းတံတွေးကွက်အဆင်ဝမ်းဆက်နဲ့....
တခါတခါ.... ပြန်လှည့်မကြည့်ချင်လောက်အောင်....
ဆွဲဆောင်တတ်သေးတဲ့ .... သူမ

ပေါ်ပင်ဘ၀တွေရဲ့.... မော်ဒယ်အဖြစ်လဲ
တစ်ချက်တစ်ချက် အသုံးတော်ခံတတ်သေးတဲ့.....သူမ

ရာဇ၀င်ရိုင်းတွေကော... ဂန္ဓ၀င်သမိုင်းတွေကာ....
စာမျက်နှာအပြည့်.... ချရေးထားတတ်သေးတဲ့.... သူမ

ထားစရာမရှိတဲ့သူတွေကော..စားစရာမရှိတဲ့သူကော...
သွားစရာမရှိတဲ့သူတွေကာ... နားစရာမရှိတဲ့သူတွေကာ....
စည်းပျက်ကမ်းပျက်တွေကော.... ထီးပျက်နန်းငတ်တွေကော....
မငြီးမငြူပွေ့ထားပေးသေးတဲ့ ..... သူမ

နီယွန်မီးရောင်တွေအောက် လမ်းပျောက်နေတဲ့
ညဉ့်ငှက်မလေးတွေ တစ်ပုံတစ်မနဲ့....
အပျိုရည်ပျက်နေတဲ့ သူမ.....

သူမ....
နန်းကျပေမယ့်.....
တစ်ချက်မှ မာန်မကျ... ခေတ်စနစ်တိုင်း အံတုလို့....
လောကကြီးကို ခါးစောင်းတင်ထားတဲ့..... ဘုရင်မ....
အဲဒါသူမ....

12:02 AM (14/12/2012)

Tuesday, 11 December 2012

ပြားချပ်နေတဲ့နေ့ရက်များ

နေ့ ဆို တာမေ့
ညကို မှ ခင် တွယ်ခဲ့တာ
ရုပ် ရှင်ကြည့်ရင်
ဗွီလိန် ကိုမှအားရတဲ့ကောင်
ခေတ် စနစ် လာ မ ပြောနဲ့

ကားမက်စ် ဝါဒကို နှစ်သက်တုန်း
မူးရင်တော့ သတ္တိ ရှိတယ်
အ မေ ကဗျာဖတ် ရင် မျက် ရည်တွေဝဲလို့
အဲလို ကောင်
အချစ်အတွက်
အသက်သေရဲပေမယ့်
အချစ် မရှိတဲ့ ကောင်
လမ်းခွဲအတွက်
လမ်းလွှဲခံရတဲ့ကောင်
သူငယ်ချင်းတွေနဲ့အတူ
သိုင်းကွက် နင်းတဲ့ကောင်
ကံ ကံရဲ့အကျိုးကို ပျက် ရယ်ပြုပြီး
ဆူးပုံနင်းတာ
ခုတော့
ရေ သောက်ပြီးဗိုက်မှောက်
ရွာပျောက်လို့ လမ်းလျှောက်နေရပြီ
ဘယ့်နယ့်ရှိဇ ။

ဒိုမီနို 29.11.2012