တစ်ချို့.....

တစ်ချို့..တစ်ချို့....
ဂုဏ်သံဓနသံ....တခြွင်ခြွင်ကြား....
ရပိုင်ခွင့်.... ရပိုင်ခွင့်..တဲ့
လက်သီးလက်မောင်းတန်းလို့...
အော်ကြချင်သေးတယ်...
ဟိုတစ်ဘက်ခြမ်းမှာတော့...
ပြေးရင်းလွှားရင်း.....ရုန်းကန်ရင်း
အသက်ရှင်ခွင့်နဲ့... ထမင်းတစ်နပ်စာအတွက်ကိုပဲ
ရပိုင်ခွင့်တစ်ခုအဖြစ်...ကျေနပ်နေကြရတယ်....

တစ်ချို့..တစ်ချို့....
လောကဓံရိုက်ချက်တွေကြား....
ဘ၀တစ်ခု....
အလဟသ..လွှင့်ပစ်ချင်ကြတယ်....
ဟိုတစ်ဘက်ခြမ်းမှာတော့....
သေမင်းနဲ့စစ်ခင်းရင်း...
မနက်ဖြန်ရဲ့နေမင်းကို ကြိုဖို့အတွက်...
ဆွေးမြေ့မြေ့ကောက်ရိုးတစ်မျှင်လဲ.... ကျေနပ်နေကြရတယ်....

တစ်ချို့..တစ်ချို့....
အတုအယောင်.... ကမ္ဘာငယ်တွေကြား....
အစစ်အမှန်.. ခံစားချက်တွေထည့်လို့....
လင်းအရုဏ်တွေလဲ ကြိုနေကြတယ်....
ဟိုတစ်ဘက်ခြမ်းမှာတော့.....
ပခုံးပေါ်က...၀န်တွေအတွက်.... မညည်းမညူလှုပ်ရှားရင်း
တစ်မှေးစာ..... အခိုက်အတန့်လေးကိုပဲ....
အားဖြည့်အားမွေးရင်း... ကျေနပ်နေကြရတယ်....

တစ်ချို့တစ်ချို့.....
အဲ့ဒီတစ်ချို့ဆိုတာတွေထဲ...
ငါလဲပါတယ်...မင်းလဲပါတယ်....
ဟိုတစ်ဘက်ခြမ်းဆိုတဲ့စည်းတစ်ဘက်ထဲ....
မပါဝင်ကြတဲ့သူတွေအချင်းချင်း....
တည်ရှိနေမှုအတွက်...
ကိုယ့်ကြမ္မာကိုယ်.....
ကျေးဇူးတင်လိုက်ကြရအောင်လား......