လွဲချက်ရယ်နာ

မြန်မာမှာတော့ လေယာဉ်ဘီးပေါက်တယ်....
ငါကတော့ ဖိနပ်ပျောက်နေတယ်....
သွားမရတာချင်းတော့ အတူတူပဲ....
ဒါပေမယ့် ကွာတော့အကွာကြီးပါပဲ...

ဟိမ၀န္တာက လင်းဒကြီးတွေတော့ ရန်ကုန်ရောက်နေတယ်...
နင်ကော ဘယ်ရောက်နေသေးလဲ....
 နေရပ်စွန့်သူတွေချင်းတော့ အတူတူပဲ......
ဒါပေမယ့်...ကွာတော့အကွာကြီးပါပဲ....

အိုဘာမားက အိမ်ခြေယာခြေမဲ့တွေနဲ့ နေ့လည်စာစားရင်း...
လုပ်အားပေး စားပွဲထိုးဝင်လုပ်တယ်....
ဒီမှာတော့..........
အင်း.....တူတာတော့ အတူတူပဲ.....
ဒါပေမယ့်... ဒါပေမယ့်လေ.....  ကွာတော့အကွာကြီးပါပဲ....

သူ့ဘက်ကိုယ့်ဘက်

ထားခဲ့တဲ့သူတစ်ယောက်အနေနဲ့.....
ရက်စက်တတ်သူလို့ ခေါင်းစဉ်တပ်ခံရတာ ........ ခံရခက်သလို....
ကျန်ခဲ့တဲ့သူအနေနဲ့ကျတော့လည်း.....
ငါမရှိတဲ့ဘ၀ထဲ....နင်ပျော်နေမှာပါလို့ ကောက်ချက်ချခံရတာ..... ၂ခါပြန်ရင်နာရတယ်.....

နားလည်မပေးနိုင်တဲ့သူအနားနေရတဲ့ဘ၀
ဘယ်လိုနေနေ ကာရန်မကိုက်သလို....
နင့်အကြောင်း ငါအသိဆုံးပါဆိုပြီး အဝေးထွက်သွားတဲ့သူအတွက်လည်း....
( နားလည်မပေးနိုင်သရွေ့....)
ကိုယ့်စိတ်နဲ့ ကိုယ့်ကိုယ်.....
တစ်ကြောင်းထဲပေမယ့် အ၀င်အထွက်လွဲနေဦးမှာပဲ.....

ယောက်ျားတစ်ယောက်အနေနဲ့
ကိုယ့်ချစ်သူက သူ့အပေါ်ကိုယ်တစ်ကယ်ချစ်ရဲ့လားလို့ သံသယအ၀င်ခံရတာ စိတ်ပျက်ဖို့ကောင်းသလို
မိန်းမတစ်ယောက်အနေနဲ့လည်း
ကိုယ့်ချစ်သူက တစ်ကယ်ချစ်ရဲ့လားလို့တွေးပူရတာ..... ကမ္ဘာပျက်သလောက်ပါပဲ......

ရန်ကုန်

ကွမ်းတံတွေးကွက်အဆင်ဝမ်းဆက်နဲ့....
တခါတခါ.... ပြန်လှည့်မကြည့်ချင်လောက်အောင်....
ဆွဲဆောင်တတ်သေးတဲ့ .... သူမ

ပေါ်ပင်ဘ၀တွေရဲ့.... မော်ဒယ်အဖြစ်လဲ
တစ်ချက်တစ်ချက် အသုံးတော်ခံတတ်သေးတဲ့.....သူမ

ရာဇ၀င်ရိုင်းတွေကော... ဂန္ဓ၀င်သမိုင်းတွေကာ....
စာမျက်နှာအပြည့်.... ချရေးထားတတ်သေးတဲ့.... သူမ

ထားစရာမရှိတဲ့သူတွေကော..စားစရာမရှိတဲ့သူကော...
သွားစရာမရှိတဲ့သူတွေကာ... နားစရာမရှိတဲ့သူတွေကာ....
စည်းပျက်ကမ်းပျက်တွေကော.... ထီးပျက်နန်းငတ်တွေကော....
မငြီးမငြူပွေ့ထားပေးသေးတဲ့ ..... သူမ

နီယွန်မီးရောင်တွေအောက် လမ်းပျောက်နေတဲ့
ညဥ့်ငှက်မလေးတွေ တစ်ပုံတစ်မနဲ့....
အပျိုရည်ပျက်နေတဲ့ သူမ.....

သူမ....
နန်းကျပေမယ့်.....
တစ်ချက်မှ မာန်မကျ... ခေတ်စနစ်တိုင်း အံတုလို့....
လောကကြီးကို ခါးစောင်းတင်ထားတဲ့..... ဘုရင်မ....
အဲဒါသူမ....

12:02 AM (14/12/2012)

ပြားချပ်နေတဲ့နေ့ရက်များ

နေ့ ဆို တာမေ့
ညကို မှ ခင် တွယ်ခဲ့တာ
ရုပ် ရှင်ကြည့်ရင်
ဗွီလိန် ကိုမှအားရတဲ့ကောင်
ခေတ် စနစ် လာ မ ပြောနဲ့

ကားမက်စ် ဝါဒကို နှစ်သက်တုန်း
မူးရင်တော့ သတ္တိ ရှိတယ်
အ မေ ကဗျာဖတ် ရင် မျက် ရည်တွေဝဲလို့
အဲလို ကောင်
အချစ်အတွက်
အသက်သေရဲပေမယ့်
အချစ် မရှိတဲ့ ကောင်
လမ်းခွဲအတွက်
လမ်းလွှဲခံရတဲ့ကောင်
သူငယ်ချင်းတွေနဲ့အတူ
သိုင်းကွက် နင်းတဲ့ကောင်
ကံ ကံရဲ့အကျိုးကို ပျက် ရယ်ပြုပြီး
ဆူးပုံနင်းတာ
ခုတော့
ရေ သောက်ပြီးဗိုက်မှောက်
ရွာပျောက်လို့ လမ်းလျှောက်နေရပြီ
ဘယ့်နယ့်ရှိဇ ။

ဒိုမီနို 29.11.2012

ဒဏ်ရာ

ခလုပ်တော့တိုက်မိရုံလေးပဲ
ခက်တာက နှလုံးသားတွေဖြစ်နေတော့ နလန်ကိုပြန်မထူတော့ဘူး....

ဒီနေ့နဲ့ မနေ့ကဆိုတာ
စာလုံးပေါင်းတောင်ကွာသေးတာ
အမြဲနော် ဆိုတဲ့စကားနဲ့တော့
မချည်နှောင်ကြေး.......

လှည့်ကြည့်လိုက်တိုင်း
တစ်ယောက်အနားတစ်ယောက်မရှိနိုင်မှတော့.....
ဘာလို့များ သံယောဇဉ်ဆိုတာနဲ့ အစမ်းသပ်ခံချင်ဦးမလဲ

ကိုယ့်လမ်းကိုယ်လျှောက်...... (အချိန်တန်)
ကိုယ့်ပန်းတိုင်ကိုယ်ရောက်(ခဲ့)မယ်ဆို
ဘဝဆိုတာ အကြိမ်ကြိမ် အခါခါ နေပျော်တဲ့နေရာ......

ဒီလိုပါပဲလေ....
တစ်ခါတစ်လေတော့လည်း
လူရာသူရာဝင် စကားဝိုင်းတွေထဲ.....
နှလုံးသားဆိုတာ အမာရွတ်လေးနဲ့မှ.....
လူ....ရှိန်....တာ.....

(1.12.2012)

အငြိမ်ဇယား

ပိန်းပိတ်အောင်မှောင်နေတဲ့အမှန်တရားတွေအောက်....
အသက်ကယ်ရုံ မုသားချိုချို မှန်အိမ်ကိုထွန်းရင်း...
ဒဏ်ရာအလိမ်းလိမ်းနဲ့
ကမ်းမမြင်လမ်းမမြင် ခရီးဆက်ကောင်းနေသေးတဲ့.....
အရှုံးသမား စစ်စစ်ဆိုတာ... ငါဆိုမှငါ....

တစ်ချက်ချက်...
လွင့်လွင့်ထွက်သွားတဲ့ မျှော်လင့်ချက်တွေများ...
အချိန်တန်တော့လည်း....
အကြည့်တစ်ချက်မှာတင်....
အ....ကုန်....အ...ငြိမ်း......

ပုံပြင်ကြိုက်သူအလိုရှိသည်....

ပုံပြင်ပြောပါမည်....

တိတ်တိတ်လေးနားထောင်တတ်သူများ စာရင်းပေးသွင်းနိုင်သည်.....

တစ်ခါတစ်ရံ.... ကမ္ဘာနဲ့ချီပြီးကြီးကြီးကျယ်ကျယ်တွေပြောမည်......

တစ်ခါတစ်ရံ.... နောက်ဖေးလမ်းက ခွေးမကြီးမြောင်းထဲကျတာပြောမည်.....

တစ်ခါတစ်ရံ.... ဒုတိယဘုရားသခင်ငွေဖြစ်ကြောင်းပြောမည်.......

တစ်ခါတစ်ရံ..... ငွေနဲ့အရာရာမ၀ယ်နိုင်ကြောင်းပြောမည်......

တစ်ခါတစ်ရံ.... တရားဥပဒေစိုးမိုးရေးအကြောင်းပြောမည်......

တစ်ခါတစ်ရံ.... ဂွင်တွေ လမ်းကြောင်းတွေအကြောင်းပြောမည်......

တစ်ခါတစ်ရံ.... အချစ်ဖြင့်အရာရာပြည့်စုံစေကြောင်းပြောမည်.....

တစ်ခါတစ်ရံ.... ပေါင်မုန့်နှင့်အချစ် မည်သည့်အရာက ပိုစားကောင်းကြောင်းပြောမည်.....

တစ်ခါတစ်ရံ.... မိုးဖွဲဖွဲလေးတွေအကြောင်းပြောမည်.....

တစ်ခါတစ်ရံ.... နေခြည်နွေးနွေးတွေအကြောင်းပြောမည်......

တစ်ခါတစ်ရံ.... လေရူးသုန်သုန်အကြောင်းပြောမည်......

တစ်ခါတစ်ရံ..... ရိုးမတောထဲက မြိုင်ရာဇာတွတ်ပီအကြောင်းပြောမည်.......

နိဂုံးချုပ်သော်..... ပြောချင်ရာကိုပြောပါမည်.....

တိတ်တိတ်လေး နားထောင်တတ်သူများ စာရင်းပေးသွင်းနိုင်သည်....

(မှတ်ချက်... ရပ်ကွက်ထောက်ခံစာမလို... သို့သော်.. အသည်းကွဲဖူးသူဖြစ်ရမည်.... )

မီးပြတိုက်

ဓူဝံကြယ်လောက်အစွမ်းမထက်သလို....
သွေးပျက်နေတဲ့ ကွန်ပတ်(စ်)တစ်ကောင်လိုတော့....
လက်တံလည်ရုံသက်သက်.... ငါလမ်းမပြခဲ့ဘူး.....

ရေလွှာဖွေးဖွေး....
တစ်ချက်တစ်ချက်...ငါ့ကိုခပ်နွေးနွေးပွေ့တယ်...
လေပြေအေးအေး....
တစ်ချက်တစ်ချက်.....ငါ့ကိုကျီစယ်သွေးတယ်....
ငွေဇင်ယော်တူစုံတွဲ...
တစ်ချက်တစ်ချက်.. ငါ့ရင် ခိုဝင်နားတယ်......
ဒီလောက်ဆိုရင်ပဲ...... အထီးကျန်တယ်ဆိုတဲ့စကား...
ဘယ်သကောင့်သား....(ငါ့အတွက်) ခေါင်းစဉ်တပ်ချင်ဦးမလဲ...

မာယာတဲ့....
တစ်ချက်တစ်ချက်..... အိနြေ္နရှင်သိက္ခာအပြည့်နဲ့သူ....
တစ်ချက်တစ်ချက်..... အကြင်နာကင်းကွာမဲ့တဲ့သူ....
သူပဲလေ.... ငါရှင်သန်တဲ့အရပ်ကသူ...
အချိန်နာရီလိုက်...
သူ့မှာ မျက်နှာဖုံးတွေပေါတယ်.....
အခြေအနေ အချိန်အခါလိုက်.....
သူ့မာန် သူပြန်ပြန်မွေးတယ်.....

ဘယ်သူတွေတရားပျက်ပျက်....
(ငါကတော့...)
ငါ့တာဝန်ငါကြေ..... ငါ့အလင်းငါဖြန့်.....
ငါ့နီးစပ်ရာ...ငါလမ်းပြရင်း....
တစ်ခါတစ်ခါတော့လည်း..... ငါ့ပုံရိပ်ငါ ပြန်ငေးကြည့်ချင်မိသား....

ငါ..ငါ..ငါ.....
တကယ်ဆို ငါစွဲမချွတ်နိုင်သေးတဲ့....
ပရဟိတကောင် စစ်စစ်ကြီးက.... ငါ.....

ပေးစာ..

အစွန်းနှစ်ဘက်တွေကြား...
အလယ်အလတ်သမားတွေ နေစရာမရှိတာ..မဆန်းတော့ဘူးအမေ...
မကောင်းတော့တဲ့ ခေတ်ထဲ... ယိမ်းမယ့်ဘက်ရွေးရင်းကနေ...
ကျွန်တော်လည်း..ဘုံပျောက်နေတာကြာပေါ့....

လူ့စိတ်ဆိုတာကလဲ.. ကောက်ရိုးမီးပဲအမေ....
ခုနေတင်ပဲ... စစ်ပွဲကြားက ကလေးတွေအရေး.. တို့အရေး...
ခုနေတင်ပဲ... မြန်မာမယ်လေး သရဖူရရေး... တို့အရေး...
ခုနေတင်ပဲ... ဟိုအရေးဒီအရေး... တို့အရေး....
အရေးတော်တော်များများ ကိုယ့်အရေးဖြစ်နေတဲ့သူတွေကြားထဲ....
မိသားစုအရေး.. ငါ့အရေးလို့ လူကြားထဲသွားအော်....
ကျွန်တော်ပဲ..အဟားခံရမှာပေါ့...

ခုတစ်လော.. ရီရမလို..ငိုရမလို ကိစ္စတွေသိပ်များတယ်....
ကျွန်တော်လေ....ရီလဲမရီတော့ဘူး... ငိုလဲမငိုတော့ဘူး .... အမေ...
မချိပြုံးတွေပဲ ပြုံးဖြစ်တော့တယ်

ထွက်သွားမှာကို တားတဲ့သူကလဲတားတယ်...
ဟားတဲ့သူကလဲဟားတယ်....အမေ...
ကျောလည်းမခိုင်းထားသလို...
ထိပ်တိုက်လဲ ရင်မဆိုင်တော့ဘူး...
ကျွန်တော်တော့.... ခေါင်းပဲငုံ့ထားမိတော့တယ်.....

အကြည့်ချင်းဆုံ....ကိုယ့်ဘက်ကအရင်ပြုံးပြရင်...
တစ်ဘက်လူကျေနပ်မနပ်တော့မသိဘူး....
စားသုတ်သုတ်... သွားသုတ်သုတ် စက်ရုပ်လူတွေကြားထဲ....
သွားပြုံးပြမိရင်တော့.... ငပေါကြီးဖြစ်တယ်အမေ....

ရောင်စုံဥာဏ်တွေ အစွမ်းကုန်ကွန့်မြူးနေနိုင်မှ
နေသားကျတဲ့ လောကထဲ...
ကိုယ့်လမ်းကိုယ်ဖောက်ဖို့ဆိုတာ...အသက်ပြည့်စရာမလိုဘူး အမေ....
တကယ်တော့...ကျပ်ပြည့်ဖို့ပဲ..လိုတယ်....

ကျင်လည်ရာ

ဇာတိမြေတော့မဟုတ်ဘူးအမေ.....
ဒါပေမယ့် ဧည့်စာရင်းလဲမတိုင်ရဘူး........

အကြင်နာအပြုံးတွေတော့ မရှိဘူးအမေ.....
ဒါပေမယ့်... လမ်းကြောင်းတွေ ဂွင်တွေလဲသိစရာမလိုဘူး.......

သယံဇာတတွေတော့မရှိဘူးအမေ....
ဒါပေမယ့်...... အမှိုက်တွေလဲ တောင်လိုမပုံဘူး......

စေတနာရေချမ်းစင်တွေတော့ မရှိဘူးအမေ.....
ဒါပေမယ့်..... ဘိလပ်ရည်ပုလင်းနှုတ်ခမ်းတွေလဲ သံချေးတက်မနေဘူး.......

အလကားရတာတော့ ဘာတစ်ခုမှမရှိဘူးအမေ....
ဒါပေမယ့်...... ရလိုက်တာတွေလဲ... အလကားတော့ဖြစ်မနေဘူး........

လက်ရှိနင်းနေတဲ့မြေကြီး....... သံယောဇဉ်တော့ တစ်စက်မှမရှိဘူးအမေ....
ဒါပေမယ့်..... တော်တော်နဲ့တော့ ဒီမြို့ကိုမခွဲနိုင်သေးဘူး.....

လမ်းခွဲ - ၂

အပြုံးတစ်ခုတိုင်းအတွက်... ခြွေချစရာ ရင်ခွင်မရှိမှတော့.....
စံပယ်ရေ..... လေသင့်ရာသာ နင်မျောလိုက်တော့....
အချစ်က ဘ၀ကိုသတ်တယ်.....
ဘ၀က ငါ့ကသတ်တယ်.....
တကယ်တော့.... မျှော်လင့်ချက်ဆိုတာ ....
အထားမတတ်ရင် ကိုယ့်ကိုယ်ကို ပြန်သတ်တဲ့အမျိုး.....

သည်းသည်းထန်ထန်တွေ ငိုကြွေးဖူးခဲ့တဲ့ဘ၀....
လူဖြစ်ရကျိုးတော့နပ်နေပါပြီ.....
မောတယ်ကွယ်......မျက်ရည်တွေနဲ့ ငါမရယ်ချင်တော့ဘူး....

ပြေးထွက်သွားတာလဲမဟုတ်.....
နောက်ချန်ခဲ့တာလဲမဟုတ်တဲ့ ဇာတ်လမ်းတွေထဲ
ကျောခိုင်းခဲ့ရုံလေးနဲ့ပဲ.......
ဝဋ်ကြွေးအသစ်တွေ.....
ငါအကျေဆပ်ပါရစေ.......

လမ်းတစ်ကွေ့တစ်ဆစ်ချိုး.....
ထပ်တွေ့ကြရဦးမယ်ဆိုရင်တော့.....
အခုမှစသိသူတွေလို ......
အတွေးရှင်းရှင်းကိုယ်စီနဲ့.....
တစ်ခါလောက်တော့....
မက်မက်စက်စက်လေး ပြုံးပြကြရအောင်....

ק@!ИҀ
(၉-၁၀-၂၀၁၂)

ပုံပြင်ခါးခါး

အလျားအနံတွေ.... အသွားအပြန်တွေ ငါမငြင်းချင်တော့ဘူး.....
ငါပေးခဲ့တာ.... တနည်းအားဖြင့် နင်ယူသွားခဲ့တာ....
တကယ်ဆို ဘယ်သူသက်သေရှိခဲ့လို့လဲ.....

နားငြီးတယ် ပြောခံရလွန်းလို့
တိတ်ဆိတ်တတ်သွားတဲ့သူတစ်ယောက်အကြောင်း
နင်သာသိချင်ခဲ့မယ်ဆို.....ပြောပြချင်သေးတယ်......
ခက်တာက.....ငါစကားပြောပြန်သင်ရဦးမယ်......

နေတတ်မှာပါ.... နေတတ်သွားမှာပါ...
ဟုတ်တယ်....ငါတစ်ကယ်ပဲ နေတတ်နေပြီ....
အမြဲတမ်းမျှော်လင့်ခဲ့ဖူးတဲ့ ဖုန်းနံပတ်တစ်ခု......
အခုချိန်မှာတော့....မြည်နေရင်တောင်......
မြန်မြန်ပျောက်သွားပါစေ ဆုတောင်းနေတတ်ပြီ......

အသည်းကွဲတဲ့သူတွေက ပြောတယ်...
အမုန်းဆိုတာ ခါးတယ်တဲ့.....
ငါ့အတွက်တော့
ခရုခွံ နားနားကပ်ပြီး....
ကန္တာရထဲ ရေလှိုင်းတွေလာတော့မယောင်ယောင်.....
အိပ်ယာဝင်တိုင်း နားထောင်ခဲ့မိတဲ့
ပုံပြင်တွေက ပိုခါးတယ်......

စစ်ကလူကိုသတ်တယ်....
အချစ်ကတော့ ငါ့ကို အကြိမ်ကြိမ်သတ်တယ်.....
ဒီလိုနဲ့ပဲ...
အဲ့ဒီနေ့တစ်ရက်ပေါ့.....
တိမ်တွေလဲမငိုဘူး....
ကောင်းကင်လဲ မပြိုဘူး.....
အဲဒီနေ့ကစလို့........
ငါ့ရင်ခွင်ဘယ်ဘက်ခြမ်း......နင့်ကို မလိုတော့ဘူး.....

စက်တင်ဘာဆုတောင်း

စမ်းရေမအေးရင် နေပါစေ...
ယမ်း(ငွေ့)တွေနဲ့တော့ ဝေးပါရစေ

ပန်းတွေမသင်းရင် နေပါစေ.....
လမ်းတွေ သွေးညှီကင်းပါရစေ.....

တိုးပွားမစည်ပင် နေပါစေ.....
မြစ်ရေ ကြည်လင် စီးပါရစေ....

ချစ်တဲ့ ဒီမြေ ဒီရေတွေ......
ကမ္ဘာတည်သရွေ့လေ.... အေးချမ်းစေ......

သက်ငြိမ်

အဲဒီတုန်းကပေါ့....
ရထားဥသြသံဆိုတာ
တကယ်ကိုနားမလည်ခဲ့တာ
အဝေးက အရာဝတ္တုတခုကို
မမြင်နိုင်သလိုမျိုး။
သူ့သဘော သူဆောင်တဲ့
နိယာမ ထဲမှာ
အခုတော့
ငါတို့ရင်ဘတ်တွေ
ခါး လို့။

ဒိုမီနို

PEACE

လူတွေအကြောင်းရေးတဲ့သမိုင်း...
လူတွေကြောင့်ပဲရိုင်းတယ်....
ခုခေတ်ကြီးက....
မငြိမ်းချမ်းတဲ့ဒေသတွေ ငြိမ်းချမ်းအောင်...
သေနတ်ရောင်းတဲ့ခေတ်......
အချုပ်အနှောင်ကင်း ယတြာချေဖို့
ငှက်လေးတွေ အချုပ်ခံရတဲ့ခေတ်....
အရိပ်အာဝါသတစ်ခုအတွက်....
တောတွေပြုန်း တောင်တွေကတုံးဖြစ်တဲ့ခေတ်....
ရိုးသားမှုတွေအရောင်တက်ဖို့.....
ကလိမ်ကျနေကြတဲ့ခေတ်.....
နောက်ဆုံးတော့လည်း.....
ငြိမ်းချမ်းရေးဆိုတာ.... သေနတ်တွေမိုးထားတဲ့ကမ္ဘာ
ငြိမ်းချမ်းရေးဆိုတာ..... လက်ညှိုးလေး မကွေးခင် အခိုက်အတန့်အကြာ.....
ငြိမ်းချမ်းရေးဆိုတာ..... ဟန်ဆောင်အပြုံးနောက်က.... နင်ကောငါကောမသိနိုင်တဲ့ မာယာ....

ရွက်ဟောင်း

ကြွေ ပြီး လို့
ပေါ့ ပါးနေမိတာ
နွေ ရောက်တိုင်း
ကြွေရ ဦးမှာပါလား။။

ဒိုမီနို   (၇.၉.၂၀၁၂)

ပရိသတ်

ပြုံးပျော်ချိန် ငါ့ကိုမေ့....
မှန်းချက်တွေမကိုက်တော့မှ....
လည်ပြန်ကြည့်တတ်တဲ့သူအတွက်.....
ငါဆိုတဲ့ကောင်ကလဲ......
အချဉ်ပေါင်းကြီးကိုဖြစ်လို့......

ကိုယ့်အသံကိုယ်ပိတ်.....
နှုတ်တဆိတ်နေလာခဲ့တာ....
မြည်နေတဲ့ ဖုန်းသံတောင်....
ကိုယ့်ဖုန်းမှန်း မသိတော့တဲ့ဘ၀.....

အမြဲတမ်းခါးမနေတဲ့နေ့တိုင်းအတွက်...
တစ်ခါတစ်လေ.....
ကိုယ့်အဆိပ်ခွက်ကိုယ်....
အချိုခပ်ဖို့မေ့နေတတ်သေးတော့လည်း....
ကျောရိုးထဲကတောင် ကျိန်းတယ်.....

ကိုယ့်ဇာတ်ညွှန်းကိုယ်ရေး....
ကိုယ့်ကကွက်ကိုယ်ချိုးပြီး....
မင်းသမီးတွေသာပြောင်းပြောင်းသွားတယ်....
မမောပန်းနိုင်သေးတဲ့....
တစ်ပင်တိုင်မင်းသားကြီးရေ....
ဇာတ်သိမ်းခန်းတွေအတွက်....
စောင့်ကြည့်နေပါ့မယ်......
လက်ခုပ်တီးဖို့တော့မဟုတ်ဘူး ကိုယ့်လူရေ...
ဟားးးးးးးးးးးးးတိုက်ရီချင်လို့......

သိစေ

♥♥♥♥♥♥♥♥♥

နားလည်ပါတယ်ဆိုတဲ့စကားရဲ့နောက်.......
ပြောမထွက်ဖြစ်ခဲ့တဲ့ ခံစားချက်တွေရှိတယ်...
ပါးပြင်ပေါ်က ခြောက်ကပ်ကပ်ရေစီးကြောင်းတွေရှိတယ်....
နိုးတစ်ဝက် အိပ်တစ်ဝက်ညတွေရှိတယ်.....
အသက်မဲ့တဲ့ တာဝန်ကျေအပြုံးတွေရှိတယ်......

ရပါတယ်ဆိုတဲ့စကားရဲ့နောက်......
မြိုချခဲ့ရတဲ့... နာကျင်ကျေကွဲမှုတွေရှိတယ်.....
ထုတ်ပစ်ဖို့ကြိုးစားနေရတဲ့.... သံချေးကပ်အတ္တတွေရှိတယ်......
စွန့်လွှတ်လိုက်ရတဲ့... ပိုင်ဆိုင်ခြင်းတွေရှိတယ်......
တကယ်မရဘူးဆိုတာ သူသိမလားဆိုတဲ့.... မီးစာကုန်မျှော်လင့်ချက်လေးတွေရှိတယ်...

တကယ်တော့ အချစ်ကနာကျင်စေတာမဟုတ်ဘူး......
အတ္တတွေကိုသာ....အချစ်လို့အမည်တပ်ပြီး....
နှလုံးသားကို နာကျင်စေကြတာ.....
အချစ်ဆိုတာ ရတာများရင် ရိုးတယ်....
မရတာများရင် စိတ်နာလာတယ်တဲ့....
နင်တော့ရိုးနေပြီလားမသိဘူး....
ငါကတော့ စိတ်မနာသေးဘူး.....

♥♥♥♥♥♥♥♥♥

အစ်ကိုရေ...

အစ်ကိုရေ
ကောင်းကင်ပေါ်မှ ကြယ်တွေလှလား
ပုဂံမှာတုန်းကလို အရက်သောက်ပြီ
ကြယ်တွေကို ကြည့်ချင်သေးတယ်  အစ်ကို

အရက်ဝိုင်းမှာ အစ်ကိုနဲ့စကားပြောရတာ
လူရောစိတ်တင်မကဘူး
နားရွက်တွေပါ နွေးပါတယ် အစ်ကို၊

ခုတော့ လိမ္မာနေကြာင်းပါ အစ်ကို
(ကောင်မလေးစကားတစ်ခွန်းနဲ့)
အရက်လဲ လျှော့သောက်နေပြီ

အစ်ကိုနဲ့တော့ လက်ဖက်ရည်ဆိုင်
အတူ ထိုင်ချင်သေးတယ်  အစ်ကို

အစ်ကိုရေ
ခုချိန်ဆို ကျိုက်ထီးရိုး တောင်ပေါ်မှာ
မြူတွေကျပြီ အရမ်း အေးနေရောပေါ့
အစ်ကိုက အဲဒီတုန်းက
ကျွန်တော်ကို စောင်ခြုံပေးခဲ့သလို
ကျွန်တော်လည်း ဒီမှာ စောင်ခြုံပြီ အိပ်တယ်
အစ်ကို မရီပါနဲ့လားဗျာ၊

ကျွန်တော်ခုဆို game လဲ မဆော့တော့ဘူး အစ်ကို
 အစ်ကို ကိုလွမ်းတာနဲ့ပဲ
နေ့နေ့ညည
ကဗျာလေးတွေဖတ် သီချင်းလေးတွေနားထောင်နဲ့
ပေါက်ကွဲမယ့်မီးတောင်တစ်လုံးကို ရင်ထဲမှာမြိုပြီ
အစ်ကိုကို လွမ်းနေပါတယ် အစ်ကို

သေသော်သူကြာရင် မေ့ ဆိုပင်မဲ့
၂၈ နှစ်လုံး အတူ ကစား
 အတူ သွား ၊  အတူ နား လာတဲ့
သံယောဇဉ် တွေက
ညည ကျွန်တော့်ကို ခြောက်လှန့်တယ် အစ်ကို၊

အစ်ကိုရေ
ကောင်းကင်ပေါ်မှ ကြယ်တွေလှလား
ပြန်ဆုံရင် ကျွန်တော့်ကို အရင်လို ပြုံးပြအုံးနော် အစ်ကို

အစ်ကိုရေ…..

ရွေးချယ်မှု

"ကြီးလာရင်ဘာလုပ်မှာလဲ" ဆိုတဲ့မေးခွန်း....
အသက်တွေမငယ်တော့ပေမယ့် ခုချိန်ထိအဖြေရခက်နေသေးတယ်.....
ဘာမှမမြဲပါဘူးကွာပြောပြောပြီး....
ကိုယ့်နေရာမြဲဖို့ကြိုးစားနေကြသူတွေ တွေ့တော့လည်း....
အင်း..ငါဥာဏ်မမှီတာပဲဖြစ်မယ်...

ထမင်းစားရင် ကုန်အောင်စား..
အစားတွေအလဟသမဖြစ်စေနဲ့....
အမှိုက်ပုံးထဲရောက်သွားမယ့် အကြွင်းကျန်လေးတွေ
လိုက်ရှာစားနေရတဲ့သူတွေ ကမ္ဘာကြီးမှာ အများကြီးတဲ့....
အဲဒီစကားကိုပြန်ကြားယောင်မိတိုင်း....
စားနေတဲ့အစား ကုန်အောင်ပဲစားရမလို.....
တစ်ဝက်ပဲချန်ထားရမလိုနဲ့...
ငါသာအကုန်စားလိုက်ရင်
အကြွင်းကျန်ရှာစားနေတဲ့သူတွေ ငတ်ကုန်တော့မှာပေါ့ဆိုတဲ့ အတွေးမျိုး...
ခင်ဗျားတို့ကော..ဖြစ်ဖူးလား....

ငယ်ငယ်တုန်းက ရုပ်ရှင်ဇာတ်လမ်းထဲမှာ
ကီးဘုတ်မကြည့်ဘဲ တဖြောင်းဖြောင်းရိုက်နေတဲ့
ဟက်ကာသမားဆိုလား ဘာဆိုလား...
အဲဒါတွေမြင်ရင်....လိမ်ဆင်ကြီးပါကွာ အဲလောက်မြန်အောင်ဘယ်သူရိုက်နိုင်မလဲလို့
ဖြုတ်ဦးနှောက်သာသာနဲ့ တစ်ယောက်ထဲကြိတ်ရယ်မိတယ်....
ခုတော့လဲ သဘောပေါက်သွားတယ်....
အလေ့အကျင့်ပဲကိုး.....
ဟုတ်ကဲ့.... ကျွန်တော်လည်း ခုဆို တစ်ယောက်တည်း
တိတ်တိတ်လေးဆူညံနေတတ်ပြီ...
ဒါလဲအလေ့ကျင့်ပဲလေ.....

လူဆိုတာ တစ်သက်မှာတစ်ခါပဲချစ်နိုင်တာမဟုတ်ဘူး....
အသက်ရှင်နေသေးသရွေ့... အသစ်အသစ်တွေက ဖြစ်လာနိုင်တယ်....
အရေးကြီးတာက ကိုယ်ရွေးချယ်မှုအပေါ် တန်ဖိုးထားတတ်ဖို့နဲ့
တာဝန်ယူတတ်ဖို့ပဲလိုတယ်လို့ ဒက်ဖနေးရှင်းလေးဖွင့်ပြမိတာ....
သူ့အတွက်တော့ အကောင်းဆုံးဆင်ခြေတစ်ခုဖြစ်သွားတယ်.....
တကယ်ဆို... တစ်သက်တစ်ယောက်ပဲချစ်တယ်လို့
စကားအကုန်ကျွန်တော်မပြောတတ်တာ...မပြောချင်တာ.. သူနားမလည်ခဲ့တာပါ....
ခင်ဗျားတို့လဲ ထင်ချင်သလိုသာထင်ကြပါ.....
သေချာတယ် သူမရှိတော့တဲ့နောက်.....
နောက်တစ်ယောက်ကို ကျွန်တော်ထပ်ချစ်နိုင်ဦးမှာပါ...
သူ့ထက်လဲ ထပ်ပြီးပိုချစ်နိုင်ဦးမှာပါ......
ဟုတ်ကဲ့.... ခုထိတော့မတွေ့သေးဘူး....

အမေကပြောတယ်....
မိသားစုတွေတကွဲတပြားနဲ့... ဘယ်ဘ၀ကဘာများလုပ်ခဲ့သလဲတဲ့....
ဝေ့လာတဲ့မျက်ရည်ကြားကပ အမေစိတ်အပြောင်းလဲဖြစ်အောင်
ရယ်စရာတွေကြံဖန်ပြောမိတယ်....
မိသားစုထမင်းဝိုင်းတဲ့... ကျွန်တော်လည်းမက်တာပေါ့....
ဒါပေမယ့် အဝေးကနေပဲ အမေကြိုက်တဲ့ဟင်းတစ်ခွက် (တစ်ခွက်မဟုတ်ဘူးအမေ.... အမေစားချင်သလောက်...)
ပို့ပေးနေရတာ.... ကျွန်တော့အတွက် ပိုအဓိပ္ပါယ်ရှိတယ် အမေ....

လျှောက်ချင်တဲ့လမ်းနဲ့ လျှောက်သင့်တဲ့လမ်း....
ခင်ဗျားတို့တော့ ဘာကိုရွေးခဲ့သလဲမသိပေမယ့်
ကျွန်တော်ကတော့.... လျှောက်သင့်တယ်ထင်တဲ့လမ်း....
ခုချိန်ထိ တစ်လှမ်းပြီးတစ်လှမ်းလျှောက်လို့ကောင်းနေတုန်းပဲ....

ကဲ...စာလဲရှည်သွားပြီ...
ကြီးလာရင်ဘာလုပ်မလဲဆိုတာလေးပဲ ထပ်ဖြေကြည့်ဦးမယ်.....
ဟုတ်ကဲ့... ကိုယ့်ရပ်တည်ချက်တိုင်းရွေးချယ်မှုတိုင်းအတွက်....
ကျေနပ်အားရနေမယ့်သူဖြစ်ချင်ပါတယ်ခင်ဗျာ....

(၇.၇.၂၀၁၂)

စင်ကာပူရ

ဖားတုလို့ခရုခုန်... အိုင်မပျက်တဲ့အပြင်....
ခရုတွေဘ၀မေ့...ဖားတွေ အုံလိုက်ကျင်းလိုက်.... တွင်းပြောင်းလာတဲ့မြို့

ဆန်မရှိ..သောက်စားကြီး...
သယံဇာတမရှိပေမယ့်....စွမ်းအင်အဖြုန်းဆုံးမြို့.....

ဆောင်းတွင်းဆိုတာဘာမှန်းမသိပေမယ့်.....
အအေးစိမ်အခန်းထဲ... ဟန်ပါပါဝတ်ဖို့....အနွေးအကျီတွေ အားပါးတရရောင်းတဲ့မြို့

သမ္ဗာန်ခတ်တတ်စရာမလို.... မော်တာတပ်စက်လှေလေး
ချောင်းရိုးတစ်လျှောက် စုန်ဆန်ဆင်းရုံနဲ့ ဒေါ်လာတွေစားတတ်တဲ့မြို့......

အင်္ဂလန်က အင်္ဂလိပ်ကြီးတောင် နားမလည်တဲ့....
အင်္ဂလိပ်စကားတွေ.....ခရားရေလွှတ်..... တစ်တွတ်တွတ်ပြောတတ်တဲ့မြို့.......

လက်တစ်ဆုပ်သာသာ ပိုင်နက်အတွက်...
စစ်ရေးအသုံးစရိတ်............ ကမ္ဘာမှာ စတုတ္ထရတဲ့မြို့

ရှုတည်တည်မျက်နှာပေးနဲ့..... ဇာတ်တူသားချင်း.......
မတူသလိုမတန်သလို... သဘောထားတတ်တဲ့ မြို့သားတွေရှိတဲ့မြို့.......

ငါးထပ်တိုက်နဲ့အပြည့် ခင်းကျင်းပြစရာ အမျိုးသားအမွေအနှစ်ဆိုတာတွေ....
တစ်ပုံတစ်ပင် မရှိသော်ငြားလည်း.....
လက်ရှိတော့... လူလိုသူလိုလှနေတဲ့မြို့......

ပြန်မယ် ပြန်မယ်နဲ့.....
တော်တော်နဲ့ကို အိမ်ပြန်ဖို့အချိန်မတန်သေးတဲ့.....
အိမ်လွမ်းသူတွေ တစ်ပုံတစ်မနဲ့မြို့.....

---------

ဖြစ်ချင်တာတွေဆိုတာထက်... ဖြစ်သင့်တာတွေပဲဦးစားပေးခဲ့ရပေါင်းများတော့လည်း...
လက်ဆုပ်လက်ကိုင်ဆိုလို့..... လူရာသူရာမ၀င်တဲ့....ရင်ထဲကအတ္တတွေပဲရှိတော့တယ်.....
အတ္တနဲ့သံယောဇဉ်... မနှိုင်းကောင်းတဲ့အရာ၂ခုဆိုပေမယ့်....
ပူလောင်တာခြင်းကတော့ တူတူပဲ.......
တိမ်မဖုံးတဲ့ညတွေထဲ...... လမင်းငေးပြီးလဲ တေးမဆိုချင်ဘူး.....
ကြယ်တွေငေးတိုင်းလဲ... အတွေးမချိုလာဘူး....
ဆုပ်လဲစူး စားလဲရူးတဲ့ဘ၀...
ငါကတော့...ဆူးလဲစူး.. ရူးလဲရူးနေခဲ့တာ....
ရုပ်ဝတ္ထုတွေနောက်ပြေးလိုက်....
Sorry.... Welcome... Appreciate.... တွင်တွင်သုံး.....
ပါးနေခဲ့တာ ဖိနပ်တင်မဟုတ်... နှလုံးသားတွေပါအဆစ်ပါသေးတယ်.........
မျက်နှာဖုံးစွပ်ယဉ်ကျေးမှုတွေ စိမ့်ဆီးတဲ့.....
အတုပေး အတုယူလောကထဲ.....
အပေါ်ယံခံစားချက်တွေနောက် .....
စေတနာအပိုလွန်ပြီး.....
အတွယ်အတာသံယောဇဉ်တော့မထည့်လိုက်မိစေနဲ့.....
မောင်မင်းရေ... ရှိစုမဲ့စုမင်းနှလုံးသားလေး...... မျိုးကန်းသွားမယ်......

အမှတ် ၅၄

ပေးဆပ်ခြင်းမမည်...ရွေးချယ်ချက်တစ်ခုပါဆိုတဲ့...
မိန်းမတစ်ယောက်ပါပဲ...
ဒါပေမယ့်... ဘ၀လက်တွဲဖော်ရဲ့ နေ၀င်ချိန်လဲ...
အဝေးကနေ နှုတ်ဆက်ခဲ့တယ်....
မိခင်တစ်ယောက်ပါပဲ...
ဒါပေမယ့်.... သားချစ်တွေရဲ့ လျှောက်ရာလမ်း...
အဝေးကနေ ငေးကြည့်ခဲ့တယ်....
ပျော်ရာစံရာ အဖြာဖြာတွေကြားကဖောက်ထွက်...
ငူငေါင်ငေါင် အမှတ် ၅၄ ထဲ...
ရေဒီယိုအသာဖွင့်လို့.... ယုံကြည်ရာယုံကြည်ခြင်းအတွက်
အမှောင်ကနေပဲ တစ်ယောက်ထဲ ထွန်းလင်းခဲ့တယ်...

အနည်းဆုံးတော့....
ကတိတွေအလကားနေမပေးတတ်ပေမယ့်
မျှော်လင့်ချက်တွေတိုင်းအတွက်
အချည်းနှီးမဖြစ်စေခဲ့ဘူး..
အနည်းဆုံးတော့....
အဖိုးမဖြတ်နိုင်တဲ့ ရပ်တည်မှုတွေအတွက်...
ကော်ဇောနီထက်... လက်ခုပ်သံတွေကြား
သာယာမနေတတ်ခဲ့ဘူး....
အနည်းဆုံးတော့...
ဘယ်နေရာရောက်ရောက်...
ကိုယ့်အမျိုးယဉ်ကျေးမှု မမေ့တတ်ခဲ့ဘူး.....
အနည်းဆုံးတော့.....
ဝါးလုံးခေါင်းထဲက ငါတို့တွေအတွက်...
အယောင်ပြရုံသာနေတဲ့ လတစ်စင်း မဟုတ်ခဲ့ဘူး...

ငါတို့နိုင်ငံသမိုင်း...
နှစ်၂၀မရိုင်းခဲ့ဘူးဆိုရင်....
ဘယ်သူပြောနိုင်မလဲ....
ကမ္ဘာ့အမြန်ဆုံးကျည်ဆန်ရထားတွေ...
လပေါ်သွားနေတဲ့ ငါတို့သူရဲကောင်းတွေမရှိနိုင်ဘူးလို့.....
ဘယ်သူငြင်းနိုင်မလဲ....
မြန်မာပြည်ကဘွဲ့ရတွေ
Oxford,Harvardကျောင်းဆင်းတွေထက်သာတယ်ဆိုတာ....

ငါတို့နိုင်ငံသမိုင်း...
နှစ်၂၀မရိုင်းခဲ့ဘူးဆိုရင်....
ခုနေချိန်ခါ... ကိုယ့်အိမ်..ကိုယ့်ယာ...
ကိုယ့်မိတ်ဆွေ..ကိုယ့်ဆွေမျိုး... ကိုယ့်ဇာတိ...မခွဲမခွာ
ငွေအသပြာတချွင်ချွင်နဲ့....
ရောက်လာသူဧည့်နိုင်ငံသား...
ခေါင်းကိုအခါခါခေါက်.... အလုပ်တစ်ခုခန့်ဖို့အရေး...
PASSတွေ အကြိမ်ကြိမ်ငြင်း...
ငါလားဟဲ့ မြန်မာပြည်သား.....
မလာစမ်းပါနဲ့ ဧည့်သားတွေရဲ့......
ကားတွေကြပ်တယ်... ရထားတွေကြပ်တယ်...
ဈေးတွေတက်တယ်... မုန်းတယ်ဟေ့....လို့
လမ်းဆုံကသာ ဟစ်တဲ့သူတွေကြား
မြင်ယောင်မိပါရဲ့....
မင်းကော ငါကော....သူတို့တွေကောပေါ့..........

သူငယ်ချင်းသို့..... (၄)

သူငယ်ချင်းရေ...
ကိုယ့်ဘ၀ကိုယ်ထုဆစ်...
ကိုယ့်ကြမ္မာကိုယ်ဖန်တီးရင်း
တစ်ခါတစ်လေ...ငါတို့တွေ မှားခဲ့ကြတယ်....
တစ်ခါတစ်လေ.... ငါတို့တွေ မိုက်ခဲ့ကြတယ်.....
ဒါပေမယ့်...
မင်းကော...ငါကော....
နောက်လူတွေအတွက်....
သမိုင်းတော့ မရိုင်းခဲ့ပါဘူး....

လူမှန်ရင် အမှားမကင်းဘူးတဲ့
အမှန်ကိုလမ်းလွဲခဲ့တိုင်း
မင်းပြောနေကျစကားလေ...
မင်းကော.... အမှန်တရားဆိုတာတွေနဲ့
နဖူးတွေ့ဒူးတွေ့ ကြုံဖြစ်သေးလား...

အဖြူရောင်ကို ငါမုန်းတယ်သူငယ်ချင်း...
တကယ်တော့.....
ဘ၀ဆိုတာ ဖြူနေဖို့မလိုဘူး...
ကိုယ့်ကာလာ ကိုယ်နိုင်ဖို့ပဲလိုတယ်...
(ငါသိတယ်..မင်းကန့်ကွက်တယ်လို့...)

(ဒါနဲ့..စကားမစပ်...)
နားခါးတာတွေလက်ခံနိုင်မှ ဒီမိုကရေစီတဲ့.....
မွေးကတည်းက "ခေတ်မီဖွံ့ဖြိုးတိုးတက်"တဲ့ စကားလုံးတွေနဲ့
နားရည်ဝလာတဲ့ငါတို့ကို....
ခုတော့...
တော်တော်ဆင်းရဲတယ်ဆိုပဲ...
ခါးတယ်ကွာ.... နားတင်မဟုတ်ဘူး....
နှလုံးသားထဲကပါ ခါးတယ်....

ပြုံးပါ သူငယ်ချင်းရာ... ပြုံးလိုက်ပါ...
ချို့ချို့တဲ့ ဘ၀တွေထဲ....
ငါတို့မှာ ဖောဖောသီသီရှိတာဆိုလို့....
တစ်ဖက်လူ ရင်အေးစေမယ့်...
ဒီအပြုံးတွေပဲရှိတော့တယ်.....
တစ်ခုတော့ရှိတယ် သူငယ်ချင်း...
ပြုံးတော့ပြုံး... မချိပြုံးတော့ မဖြစ်စေနဲ့.....

အလောင်းအစား

ပြန်လှည့်မရတော့မယ့်.... တစ်လမ်းသွားဘ၀ထဲ......
အစကနေ နောက်တစ်ကြိမ်ပြန်လျှောက်ခွင့်ရမယ်ဆို...
ဘယ်သူမှားမှား မှန်မှန်...
ငါမှားခဲ့တာပါလို့.... တောင်းပန်လိုက်မယ်....

ငါဘယ်သွားသွား.... ငါဘာလုပ်လုပ်...
နင်... ငါ့ဘက်ရှိမယ်ထင်ပြီး...
ကံကြမ္မာကို.... လောင်းကြေးထပ်ခဲ့မိသမျှ...
လေထိုးလေလျော် မဟုတ်တဲ့ပွဲဆိုမှတော့.......
နှလုံးသားတစ်စုံ ပြုတ်ပြုတ်ပြုန်းပါလေရော......

နယ်ရုပ်

အတ္တတွေကို သကာဖုံး.....
ကြားကောင်းရုံခေါင်းစဉ်လှလှတွေနဲ့
ကစားကွက်ထဲ......
ဘာ Openingမှလဲ ငါမသိ...
Kasparovတွေ...Karpovတွေ..ဘာဆိုဘာမှမသိ.....

ငါ့ပထမခြေတစ်လှမ်း..... သူ့အတွက်တော့
သေလောက်အောင်အရေးပါသတဲ့....
တကယ်တော့... (ငါဆိုတာ)
ပါဝါကောင်တွေကိုကာပေးရင်း
ဘုမသိဘမသိ ထိုးကျွေးခံရတဲ့ နယ်ရုပ်တစ်ရုပ်.....
အကွက်တစ်ချက်ရွှေ့မှာတောင် အထာမနပ်သေးဘဲ...
ဟိုးဝေးဝေးက အကွက်အခင်းတွေ...
မစားရ၀ခမန်း ငေးကောင်း တွေးကောင်းတုန်း.....

ငါ့ကိုစိတ်ကြိုက်အသုံးချ... တစ်ချိန်ကျ...
တစ်ဘက်စည်းထိပ်ရောက်ပြန်တော့... ခေါင်းစဉ်လှလှထပ်ပေးတယ်....
နင်ဘုရင်မတဲ့....
တကယ်ဆို...... ဒါက အချိုသာဆုံး စကားလုံးနဲ့....
အဝေးဆုံးအပြင်ကို ကန်ထုတ်လိုက်ခြင်းတစ်မျိုးပဲဆိုတာ....
ကိုယ့်ခြေထောက်အောက်....နင်းစရာ အကွက်ပျောက်နေတော့မှ
ရေးတေးတေး သဘောပေါက်မိတဲ့
ခပ်ချာချာ တစ်ယောက်ရဲ့.......ဇာတ်သိမ်းပေါ့....

နေတတ်သလို....

ဘာလုပ်နေနေ ခွင့်လွှတ်ပါတယ်ဆိုတဲ့ အစားထဲ
ငါမပါဘူးချစ်သူ.....
နင်တန်ဖိုးမထားတတ်ခဲ့တဲ့...ငါ့မာနတွေ...
ငါကတော့ သေလောက်အောင်တန်ဖိုးထားတယ်......

ဆန့်ကျင်ရာဘက် နင်ထွက်သွားချင်သွားပါ...
လိုက်ပြေးခေါ်မယ့်အစားထဲလဲ ငါမပါဘူးချစ်သူ....
ထိုင်တော့စောင့်နေမယ်လဲမထင်နဲ့.....
ငါလဲ ငါ့ခရီးငါလျှောက်ရဦးမယ်....

သစ်ရွက်လှုပ်တိုင်း ရီတတ်တဲ့ အရွယ်တွေမှမဟုတ်တော့တာပဲ....
ဆယ်ကျော်သက်အရွယ်.... ရူးမိုက်မိုက်အချစ်တွေ...
နင်မတောင်းတနဲ့တော့....

တစ်ခုပေးပြီး အများကြီးပြန်လိုချင်တာဆိုရင်တော့....
နင်လူမှားနေပြီ....
ငါ ဘိုးဘိုးအောင် မဟုတ်ဘူးလေ....

နင့်အတ္တတွေမဖယ်နိုင်သေးသရွေ့တော့...
တစ်ဆိတ်လောက်....
ငါနဲ့သာ....ဝေးဝေးနေလိုက်တော့....
ငါဆိုတာ... နင်ရှိမှ သာနေမယ့် လမင်းမဟုတ်ဘူး...
ငါဆိုတာ.... နင်ရှိမှ လန်းနေမယ့် ပန်းတစ်ပွင့်မဟုတ်ဘူး....
ထပ်ပြောလိုက်မယ်...
ငါ့အကြိုက်...ငါ့အရိပ်....ငါ့ကမ္ဘာ....
ငါ့ဘာငါ သာယာနေတယ်....

..................................

ချစ်သူအတွက်....

ပိုင်ဆိုင်ဖူးတဲ့ နေ့စွဲတစ်ချို့
အနာဂတ်မရှိခဲ့ကြပေမယ့်
သတိရတိုင်းပြန်တွေး
ရင်ထဲ တစိမ့်စိမ့်နွေးတယ်

အရာမထင်ခဲ့တဲ့ ပေးဆပ်မှုတွေအတွက်
မခံယူတတ်ခဲ့တဲ့ ချစ်သူမင်းလဲ
လိုအပ်ချက်တိုင်းပြည့်စုံပါစေ
ငါစေတနာထားတယ်

ဝတ်ကြေတမ်းကြေ အလှူခံထည့်ခဲ့သူကိုတောင်
ဆုတွေတစ်သီကြီးပေးတတ်ကြတာပဲ
ငါ့ဘဝထဲ ခဏလာပြီး
စိတ်မပါတပါ ပေးသွားခဲ့တဲ့ ချစ်ခြင်းတွေအတွက်လည်း
မင်းဘဝတစ်လျှောက် သွားလမ်းသာလို့ လာလမ်းဖြောင့်ပါစေ......

"ဘ၀သမား"

အဲဒီနေ့.....ဟာသဥာဏ်မရှိပဲ
ရယ်စရာပြောဖြစ်လိုက်တယ်
 ပါးလျရှပ် ကွေးသွားတဲ့
အပေါ်နှုတ်ခမ်းကလွဲပြီး
တလောကလုံး
မှိုင်းပြ တွန့်ကြေလို့
လမ်းဆုံက ဖြတ်သွားဖြတ်လာ
ဘ၀ အစုံ ကိုငေး တော့
ခြေလှမ်း ခပ်သွက်သွက်နဲ့
ခေါင်းလေးတွေငိုက်စိုက် သား
တကယ်တော့ ဘ၀ သမား တွေချည်း။

 

ဒိုမီနို

လမ်းဆုံး

လမ်းခွဲချိန်မတန်သေးပါဘူး...
ဒါပေမယ့်.... ငါတို့တွေ ကိုယ့်လမ်းကိုယ်လျှောက်ဖြစ်ခဲ့ကြတယ်.....

မေ့မပျောက်နိုင်သေးပါဘူး...
ဒါပေမယ့် ငါတို့တွေ ကိုယ်စီပိုင်ရှင်သစ် အစားထိုးဖြစ်ခဲ့တယ်......

မျက်ရည်တွေမခမ်းသေးပါဘူး...
ဒါပေမယ့် ငါတို့တွေ တွေ့တိုင်း
အပြုံးတစ်ပွင့်ဆီ ခြွေချပေးဖြစ်ခဲ့တယ်......

တကယ်ဆို...
တစ်ယောက်လက်ကို တစ်ယောက်...
မြဲမြဲကိုင်ထားခဲ့ဖို့အရေး...
နင်ကော ငါကော
သတ္တိနည်းခဲ့လွန်းတယ်.....

စီးဆင်းခြင်း

အမိမဲ့သားလဲမဟုတ်
ရေနဲငါးလဲမဟုတ်
စီးဆင်းရတာ နဲနဲခက်နေတယ်
ညအခါမှမွှေးသလို
ယုံကြည်ချက်ဆိုတာ
နံနက်နေအထွက်မှာ ကြွေကျဆဲ
လောကနီတိကို ရွတ်အံ ချ လဲ
ကျောခိုင်းသူကို
ပြေးပြေးတနေမိတယ်
အားလုံးကိုစွန့်ပြီးတသွင်သွင်စီးတော့
ကျောက်ဆောင်ကျေက်ခဲတွေက ရံ
လမ်းဆုံး မရောက်ခင်
အမှုံအမွှားတို့ ဖြာကျနေတဲ့
ကမ်းပါး တစ်ခုမှာ
အဟုန်နဲ့ လွင့်ရတာ
ပေါ့ ပါးချက်။။။။။။။။။။။။

ဒိုမီနို (10.5.2012)

တစ်ချို့.....

တစ်ချို့..တစ်ချို့....
ဂုဏ်သံဓနသံ....တခြွင်ခြွင်ကြား....
ရပိုင်ခွင့်.... ရပိုင်ခွင့်..တဲ့
လက်သီးလက်မောင်းတန်းလို့...
အော်ကြချင်သေးတယ်...
ဟိုတစ်ဘက်ခြမ်းမှာတော့...
ပြေးရင်းလွှားရင်း.....ရုန်းကန်ရင်း
အသက်ရှင်ခွင့်နဲ့... ထမင်းတစ်နပ်စာအတွက်ကိုပဲ
ရပိုင်ခွင့်တစ်ခုအဖြစ်...ကျေနပ်နေကြရတယ်....

တစ်ချို့..တစ်ချို့....
လောကဓံရိုက်ချက်တွေကြား....
ဘ၀တစ်ခု....
အလဟသ..လွှင့်ပစ်ချင်ကြတယ်....
ဟိုတစ်ဘက်ခြမ်းမှာတော့....
သေမင်းနဲ့စစ်ခင်းရင်း...
မနက်ဖြန်ရဲ့နေမင်းကို ကြိုဖို့အတွက်...
ဆွေးမြေ့မြေ့ကောက်ရိုးတစ်မျှင်လဲ.... ကျေနပ်နေကြရတယ်....

တစ်ချို့..တစ်ချို့....
အတုအယောင်.... ကမ္ဘာငယ်တွေကြား....
အစစ်အမှန်.. ခံစားချက်တွေထည့်လို့....
လင်းအရုဏ်တွေလဲ ကြိုနေကြတယ်....
ဟိုတစ်ဘက်ခြမ်းမှာတော့.....
ပခုံးပေါ်က...၀န်တွေအတွက်.... မညည်းမညူလှုပ်ရှားရင်း
တစ်မှေးစာ..... အခိုက်အတန့်လေးကိုပဲ....
အားဖြည့်အားမွေးရင်း... ကျေနပ်နေကြရတယ်....

တစ်ချို့တစ်ချို့.....
အဲ့ဒီတစ်ချို့ဆိုတာတွေထဲ...
ငါလဲပါတယ်...မင်းလဲပါတယ်....
ဟိုတစ်ဘက်ခြမ်းဆိုတဲ့စည်းတစ်ဘက်ထဲ....
မပါဝင်ကြတဲ့သူတွေအချင်းချင်း....
တည်ရှိနေမှုအတွက်...
ကိုယ့်ကြမ္မာကိုယ်.....
ကျေးဇူးတင်လိုက်ကြရအောင်လား......

ဇာတ်သိမ်း

ငါ့ဘ၀ငါအမှောင်သွင်း
ချို့တဲ့တဲ့ အလင်းတွေ.... တစ်ဘ၀စာသိမ်းလိုက်တယ်...
ငြိမ်းချမ်းလိုက်တဲ့ဖြစ်ခြင်း.....

ထွေးပွေ့တဲ့လေထု.....
သူကမှမကြင်နာမှတော့...
ထိတွေ့မှုတိုင်းအတွက်... မီးပွင့်လိုက်တယ်....
အားမနာတော့ဘူး....

လေထုကပဲတိုက်စားသလား...
ငါကိုယ်ကပဲ ပျော့ညံ့လွန်းတာလား....
သေချာတာကတော့....
မကြာခင်...ငါဆိုတာ
ဘယ်သူမှမသိလိုက်တဲ့... ပြာမြေမှုန်ခဲတစ်ခုပဲ.....

 ဟိုးဝေးဝေးက... င့ါဂြိုဟ်ကမ္ဘာရေ...
နင်ငေးနေကျ..ငွေလမင်းကိုသာ တစ်ဝကြီးငေးလိုက်စမ်း....
ဇာတ်သိမ်းခန်း တစ်ကွက်စာကျမှ...
နင့်အတ္တတွေအတွက်.....
အပြေးအလွှား... လာဆုမတောင်းချင်နဲ့တော့......

ငါ့ဇာတ်ငါသိမ်း....
ငါ့သစ္စာ ငါချုပ်ငြိမ်းလိုက်တယ်....
ဘ၀အဆက်ဆက်...
ကောင်းကင်မဲ့တဲ့ဘ၀....
ဒီမှာတင်.... ရပ်......

<<<<>>>>

အကြောင်းပြချက်တွေလဲ
အလွတ်တောင်ရတော့မယ်...
သိသိနဲ့ခံတာတော့..
နင်တော်လွန်းတာမဟုတ်ပါဘူး...
ငါကိုယ်ကညံ့တာပါ...

ဘယ်သူကတော့ဖြင့်ဘယ်လို...
လာလာမနှိုင်းယှဉ်ပါနဲ့....
အဲလိုသာနှိုင်းကြကြေးဆို...
နင်လောက်လဲ ငါ့အပေါ်ဘယ်သူမှ..
မရက်စက်ပါဘူး...

အကုန်ခမ်းနေအောင်..ပေးပြီးပြီ...
တန်ဖိုးမထားတတ်ခဲ့တာတော့..
နင့်သမိုင်းနဲ့နင်ပဲ....
(အခုလဲ)..
လက်ကျန်သံယောဇဉ်အကြွင်းအကျန်လေးတွေ....
ရေရောပြီးပေးနေတာ...
ပေးတာယူ..ကျွေးတာစား...
အရင်လို... မချိုတော့ဘူးအထွန့်မတက်ချင်နဲ့....

ဝင်လာချင်လဲလာ..
ထွက်သွားချင်လဲထွက်သွား...
အပေါက်ဝတော့လာပိတ်ရပ်မနေနဲ့...
နောက်လူတွေလမ်းပိတ်မယ်...
ဒါပဲ....

သူငယ်ချင်းသို့.... ၃

အကောင်းမြင်တတ်တယ်ဆိုတာ...
ဘ၀နေနည်း အနုပညာတစ်ခုပါ...
တစ်ခါတစ်ရံ
အလွန်အကျွံအကောင်းမြင်တတ်နေခြင်းကလဲ..
အမှန်တရားတွေ.....ပြုပြင်ပြောင်းလဲသင့်တာတွေကို...
သတိလက်လွတ်ဖြစ်စေတတ်တယ်...

သံသယဆိုတာ....
လက်ဝယ်ကိုင်ထားမိသူအတွက်တော့ မီးတစ်စပါ....
သို့လော..သို့လော အတွေးနဲ့
ကိုယ်တိုင်ကော... တစ်ဖက်လူအတွက်ပါ..
ပူလောင်စေပါတယ်....
ဒါပေမယ့်... နေရာတိုင်းမှာ...မျက်စိမှိတ်မယုံသင့်သလို....
သံသယထားသင့်တဲ့နေရာမှာလည်း.. ထားတတ်ဖို့လိုပါတယ်...
တစ်ခါတစ်လေတော့လည်း ...
သံသယဆိုတာ...
ကိုယ့်ကိုယ်ကို နာကျင်မှုတွေကနေ
ကာကွယ်ပေးတတ်ပြန်ပါတယ်....

အမေ

ဒီတစ်နွေတော့....
တကယ်ထူးတယ်အမေ...
သူတို့လဲပျော်...ကိုယ်လဲပျော်...
မဆီမဆိုင်သူတွေတောင်ပျော်ကြတယ်.....

အမှောင်ထဲနေသားကျတဲ့ဘ၀တွေ....
ကိုယ့်သမိုင်းကိုယ်ရေးဖို့...
ကိုယ့်ခြေကိုယ်ထူရင်း...
ပြူတင်းကြို ပြူတင်းကြား....
အလင်းချိုဝိုးတ၀ါးရယ်....
အမေရေ... ဥသြတွေတောင် တေးဆိုပေါ့...

ဒီနွေ...
ပိတောက်တွေငိုတယ်..အမေ...
ဒီနွေ....
တစ်ချို့သူတွေ.. အရူးတစ်ပိုင်းဖြစ်ကြတယ်..အမေ...

အပျော်တွေလွန်...
မဆင်ခြင်နိုင်သူတွေအတွက်...
ခဏတာတော့.. ခွင့်လွှတ်ပေးပါအမေ....
သူတို့တွေလေ...
စနစ်ဆိုးအောက်... အတောင်ရိုက်ချိုးခံထားရတဲ့...
ဒေါင်းပျိုငယ်တွေပေါ့....
သူတို့တွေလေ...
စနစ်တကျ ဖျက်ဆီးခံထားရတဲ့... ပညာရေးစနစ်အောက်...
အဖြူစိမ်းဝတ်လေးတွေပေါ့....
သူတို့တွေလေ...
အုတ်တစ်ချပ်ပမာဏ မဟုတ်တောင် ...အမေ့အတွက် မငြီးငြူမယ့်....
သဲပွင့်လေးတွေပေါ့.....

အမေလဲ အိမ်ပြန်ရောက်တဲ့နောက်...
သားသမီးတွေလဲ မကြာခင် အိမ်ပြန်လာခဲ့မှာပါအမေ.....
အမေရင်ငွေ့နဲ့ဝေးတဲ့အရပ်...
နွေးတယ်ဆိုတာမရှိပါဘူး..အမေ..

အမေသွားတဲ့ခရီး...
ဆူးကင်းပါစေ....
အမေ့ရဲ့ မနက်ခင်းတိုင်း...
မွှေးပျံ့ပါစေ...
အမေ့ရဲ့ စိတ်အလျဉ်...
ထာဝစဉ်... အေးချမ်းပါစေ...
ကျေးဇူးပါ..အမေ...

April Fool

ယုံကြည်ပေးပါလို့တောင်းဆိုလာတဲ့...
ခဏခဏလှည့်စားတတ်တဲ့ချစ်သူ...
နင်နဲ့ပက်သက်ရင်...
မျက်စိကိုစုံမှိတ်.. အလိမ်အညာတွေကအစ...
တပျော်တပါးကြီးကို....
ငါယုံတတ်ခဲ့တာပါ......

ခွင့်လွှတ်ပေးပါလို့တောင်းဆိုတတ်တဲ့....
ခဏခဏထွက်သွားတတ်တဲ့ချစ်သူ...
ခွင့်လွှတ်တယ်လို့ပြောရအောင်....
အစကတည်းကိုက...အပြစ်တင်ခဲ့တာမှမဟုတ်တာ...

ငါ့ဘက်အမြဲရှိပေးပါလို့တောင်းဆိုတတ်တဲ့
ခဏခဏဆန့်ကျင်တတ်တဲ့ချစ်သူ...
နင့်ဘက်အမြဲရှိပေးပါ့မယ်လို့တော့....မညာချင်ဘူး...
ဒါပေမယ့်....
ဆန့်ကျင်ရာတစ်ဘက်ခြမ်းတော့...ငါမနေခဲ့ဘူး...

ငါ့ရင်ထဲဘာတွေရှိလဲနားမလည်ဘူးလားလို့အပြစ်တင်တတ်တဲ့
ဟန်ဆောင်ကောင်းတဲ့ချစ်သူ....
မသိဟန်ဆောင်ထားတဲ့...
ခပ်အအ ငါ့လောက်တောင် နင်ဟန်မဆောင်တတ်ပါလား....

"မေ့မရပါဘူး ကောင်မလေးရယ်"ဆိုတဲ့စကားတစ်ခွန်းနဲ့...
ငါ့ဥပက္ခာတွေကို အရည်ဖျော်ချသွားတဲ့ချစ်သူရယ်...
တကယ်ဆို.....
အရူးလုပ်ချင်ရင်တောင်...
ဧပြီတစ်ရက်နေ့အထိတော့.....
စောင့်သင့်တယ်လေ...

နီယွန်တွေကတဲ့ည

ငြိမ့်ငြိမ့်လေးစီးနေတဲ့
ရေပြင်ဖွေးဖွေးထက်...
ညဥ့်ကိုတန်ဆာဆင်မယ့်နီယွန်တွေ...
ဆွေးဆွေးလေး လင်းနေတယ်..

နီယွန်ကဆွဲဆောင်တာလား...
ရေပြင်ကညှို့ယူတာလား...
တရားခံရှာလို့မရတဲ့ည...
သူ့စကားတွေအောက်....
ဒေါင်ချာစိုင်းနေတဲ့ငါ့အတွေးတွေအတွက်ကော
ဘယ်သူတရားခံများပါလိမ့်...

Call Logsတွေထဲ..
မမြင်တာကြာတဲ့နာမည်တစ်ခု...
မရေတွက်နိုင်လောက်အောင်...
ထပ်ခါထပ်ခါဖြစ်နေတယ်....
လေသင့်ရာလွင့်လာတဲ့...
နင့်ခံစားချက်တွေ...
ဘယ်တော့မှန်းမသိမယ့်အချိန်...
ပြန်ပျောက်သွားဦးမယ်ဆိုတာလဲ...
သိနှင့်တယ်...

ထွက်သွားတုန်းကလဲငါမတားခဲ့သလို
ပြန်လာမယ်ဆိုတော့လည်း မငြိုငြင်ခဲ့ပါဘူး
သင်ခန်းစာတွေ အခါခါပေး.....
စာကြေတယ်လို့ ပဲသဘောထားပါတယ်
တစ်ခုတော့တောင်းဆိုမယ်.....
ဒီတစ်ခါတော့ ပုံပြင်အသစ်လေး
ငါကြားချင်တယ်......

အိမ်အပြန်နွေ

တစ်နှစ်သာသာပဲနေဖူးတဲ့ မြို့ကတောင်
Identity Cardလေးပြလိုက်နိုင်ရင်...
အားရ၀မ်းသာ ကြိုဆိုသေးတယ်...
ခုတော့ ၂၅နှစ်စာ ရှင်သန်ခဲ့ဖူးတဲ့မြေပေါ်ခြေအချ...
ဖြည့်လိုက်ရတဲ့စာရွက်တွေ....
အမေလို့ခေါ်ဖို့အရေး.... မွေးစာရင်းပြန်တောင်းနေသလိုပါပဲလား...

အပြောင်းအလဲတဲ့....
တတ်လဲတတ်နိုင်လွန်းတယ်....
ကျားကြောက်နေရတဲ့ဘ၀ နေသားကျနေမှတော့....
ဘယ်အချိန်ပေါ်လာမယ်မှန်းမသိတဲ့ ရှင်ကြီးဆိုတာကို
ကြောက်စရာမလိုဘူးတော့မပြောပါနဲ့တော့.....

ဖော်ရွေတယ်တဲ့...
နားလည်မှုဆိုတဲ့.... တစ်ဆုံးတိုင်အဓိပ္ပါယ်ရောက်တဲ့စကားလုံးကို
ထည်လဲသုံးတတ်တဲ့...ယူနီဖောင်းဝတ်တွေကိုပြောတာလား...

နွေးထွေးတယ်တဲ့...
အလုံပိတ်အဲကွန်းကားပေါ်က....မွေးပွအင်္ကျီနဲ့လူကပြောတာလား....
(ဒါမှမဟုတ်)....
နေရောင်ပြင်းပြင်းအောက်က..မှိန်ဖျော့ဖျော့မျှော်လင့်ချက်မျက်ဝန်းပိုင်ရှင်
ဆုတောင်းသံတရစပ်နဲ့ အမယ်အိုကပြောတာလား....

ငွေ့ငွေ့လေးကျန်တဲ့ တနင့်တပိုးမျှော်လင့်ချက်တွေ...
ခဏပြန်အသက်သွင်းကြည့်တယ်....
(ခုချိန်ထိ) ဘာလို့များ ကာရန်မညီနိုင်သေးတာလဲ.....

ခြေစုံကန်တယ်လို့သာ အားမနာတမ်းပြောလိုက်ပါ....
ရန်ကုန်ရေ......
နင့်အရိပ်က.. ငါ့အတွက်တော့ တော်တော်ပူနေသေးတယ်...

(၁၉.၀၃.၂၀၁၂)

ငါနေတဲ့မြို့

တိုက်တွေကတော့ မိုးထိတော့မယ်...
မြို့ကြီးသားအရေခြုံ စိတ်ဓာတ်တွေနဲ့....
ယဉ်ကျေးမှုတွေခေါင်းပါးတာကတော့ ၉ လောက်ရှိတယ်...

အပ်ကစလို့ လေယာဉ်ပျံအထိ ရှိတယ်ဆိုတဲ့ကုန်တိုက်ထဲ..
စာနာမှုတွေဝယ်ဖို့ ခြေတိုလောက်အောင်လိုက်ရှာဖူးတယ်...
ဖိနပ်တွေပါးသွားတာပဲအဖတ်တင်တယ်...

စေတနာ့ရေချမ်းစင်မပြောနဲ့....
ဆိုင်မှာဝင်စားရင်တောင် အလကားရတာဆိုလို့...
ရေတောင်မရှိဘူး...
ဘာလိုချင်လဲ လာထား..၀ယ်စမ်းပဲ....

နည်းနည်းလေးတော့ တစ်ချက်မမှားလိုက်နဲ့....
ပုခုံးချင်းတိုက်သွားမယ့်သူတွေ တစ်ပုံကြီးရှိတယ်...
အခန့်မသင့်ရင်....မထင်မရှားနဲ့....
မင်းကမ္ဘာလေးတောင်ပျောက်ပြီး...
ချန်ဂီကနေ.. မြန်ပြည် ပြန်သွားရမယ်...

ရေတောင်အလကားမရတဲ့အရပ်.....
အပြုံးတစ်ခုတောင်အလကားမရဘူး...
ရွာကအပြုံး... နောက်ကွယ်မှာ ဘာမှမရှိဘူး....
ဒီမှာတော့ ပြုံးနေပြီဆိုသတိထား.....
Insuranceလာရောင်းချင်တဲ့သူပဲဖြစ်မယ်...

စေတနာမေတ္တာတွေဖောင်းကားတဲ့မြို့..
ဘောက်မဲ့ကြောင့်စွန့်ခဲ့သတုန်း...
မေးကြသူများ..ဖြေပြချင်သေးရဲ့....
မေတ္တာ..မေတ္တာ.. နှလုံးသားတော့ အဟာရဖြစ်ပါရဲ့...
ဆန်အိုးထဲ...လေဖြည့်ထားလို့မှမရသကိုး...

အစွန်းတစ်ဘက်

စိတ်ကူးတွေရဲ့ တခြားဘက်စွန်း.... ဆုံးရှုံးမှုဆိုတာမရှိဘူး...
အကောင်ထည်ပေါ်မလာသေးတဲ့... ရုပ်လုံးကြွဆေးပန်းချီလှလှတစ်ချပ်ရှိတယ်

တွေဝေခြင်းရဲ့ တခြားဘက်စွန်း.... ထိခိုက်နာကျင်မှုဆိုတာမရှိဘူး...
ပြန်မရနိုင်မယ့်... တသက်တာ လက်လွှတ်လိုက်ရမှုတွေရှိတယ်....

ကြောက်စိတ်တွေရဲ့ တခြားဘက်စွန်း.... အားငယ်ထိတ်လန့်မှုဆိုတာမရှိဘူး....
တွန်းအားတစ်ခုအကြောင်းပြုထားတဲ့.... မိုက်ရူးရဲစိတ်တွေရှိတယ်..

ရင်းနှီးကျွမ်းဝင်ခြင်းရဲ့ တခြားဘက်စွန်း... လမ်းခွဲသူစိမ်းဆန်ခြင်းဆိုတာမရှိဘူး....
သံယောဇဉ်ခိုင်ခိုင်မာတဲ့.... ဝေမျှခံစား...အရောင်တူနှလုံးသားတွေရှိတယ်...

ချစ်ခြင်းရဲ့တခြားဘက်စွန်း....နာကျင်အမုန်းဆိုတာမရှိဘူး...
အချိန်အတန်ကြာ ပျိုးထောင်ထားတဲ့.. ရောင်စုံအသွေးစုံ ဥပက္ခာ ပန်းခင်းတွေရှိတယ်....

ဒီကဗျာ ရေမှာရေးပါတယ်

သတိရခြင်း အစား

တခြားတစ်ခုခုပေးပါလား . . .

သတိရလို့မိုးတွေ မရွာပင်မဲ့

မိုးတွေရွာ တိုင်းသတိရတယ်

ဘဝမှာ ပြည့်စုံပြီလို့တွေးမိတိုင်း

မင်းမရှိတာ သတိရမိတယ်

သတိရခြင်း အစား

တခြားတစ်ခုခုပေးပါလား . . .

ဒီကဗျာ ရေမှာရေးပါတယ်။

အိပ်မက်

အိပ်မက်တွေမက်သည်....
ပျော်ခဲ့ဖူးသည်.. ငိုခဲ့ဖူးသည်....

အိပ်မက်လိုကမ္ဘာ စီးမြောဖူးသည်....
တည်ငြိမ်ဖူးသည်... လှုတ်ခတ်ဖူးသည်

အိပ်မက်ထဲကလိုလူ ပိုင်ဆိုင်ဖူးသည်....
ချစ်ခဲ့ဖူးသည်... ရူးခဲ့ဖူးသည်.....

အိပ်မက်ထဲကလို သာသာယာစကားတွေကြားဖူးသည်....
ယုံခဲ့ဖူးသည်... နာယူခဲ့ဖူးသည်...

အိပ်မက်သဏ္ဍာန်တူ ပျော်ရွှင်ခြင်းတွေ...
ပိုင်ဆိုင်ခဲ့ဖူးသည်... လက်လွှတ်ခဲ့ဖူးသည်....

အိပ်မက်မှလန့်နိုးဖူးသည်.....
အခန်းဆက်ချင်ခဲ့ဖူးသည်... ရှိုက်တစ်ဝက်ငိုခဲ့ဖူးသည်....

အိပ်မက်ပမာ..သူပြန်လာဖူးသည်...
အိပ်မက်သာ ဖြစ်စေချင်ခဲ့ဖူးသည်.... လမ်းဟောင်းမျှော်ခဲ့ဖူးသည်....

အိပ်မက်တွေမက်ဖူးသည်...
ပျော်ခဲ့ဖူးသည်... ငိုခဲ့ဖူးသည်....

လမ်းခွဲ

ကျေနပ်လိုက်ပါ...
ငါအရှုံးပေးပြီးပြီပဲလေ....
ထွက်သွားလိုက်ပါ....
ငါနေရစ်ခဲ့ပြီးပြီပဲလေ....
စွန့်ထားခဲ့ပါ....
နင်မမက်တော့ပြီပဲလေ...

နှုတ်ဆက်လိုက်တယ်....
တစ်ချိန်က အမှတ်တရတိုင်းကို....
သိမ်းထားလိုက်တယ်...
ဒဏ်ရာတွေနဲ့ နှလုံးသားကို....
ခွင့်လွှတ်လိုက်တယ်....
ချန်ထားရက်တဲ့ နင့်ကို...

 

ကာကွယ်ခဲ့သူများသို့

စစ်ဟာ ကြောက်စရာကောင်းတယ်
အချစ်ဟာ ပျော်စရာကောင်းတယ်

စစ်ဟာ အနိဌာရုံ
အချစ်ဟာ က္ကုဌာရုံ

စစ်နဲ့ ပတ်သက်တဲ့သူတွေက ကံဆိုးသူများ
အချစ်နဲ့ပက်သက်တဲ့ သူတွေက ကံကောင်းသူများ 

ပျော်စရာ က္ကုဌာရုံ ထဲမှာ လူတိုင်း နေချင်ကြပေမယ့်
သူတို့ချစ်တဲ့သူတွေ ကံကောင်းသူများဖြစ်နိုင်ဖို့

အနိဌာရုံတွေဆီ ….. ကံဆိုးသူများအဖြစ်နေဖို့
သူတို့ရွေးခဲ့တယ်  ၊၊

ဝက : 2010 Aug

အစွဲ

ရေချင်းတူတူ... ငါ့အရပ်ကရေကပိုသောက်ကောင်းတယ်...
မြေချင်းတူတူ... ငါ့အရပ်ကမြေက ခြေချကောင်းတယ်....

အိမ်ချင်းတူတူ... ငါ့အရပ်က အိမ်ပဲ လုံခြုံမှုပေးတယ်...
လူချင်းတူတူ.... ငါ့အရပ်က လူတွေပဲ စာနာမှုဖေးတယ်...

လေချင်းတူတူ... ငါ့အရပ်က လေပဲ ပိုမက်မောတယ်...
နေချင်းတူတူ... ငါ့အရပ်က နေပဲ ရောင်စဉ်နွေးတယ်...

၁၉၉၇ မနက်ခင်း

အဆုပ်တွေ ဖြာထွက်လာ ၊ နေရောင်ကျဲ
လရောင်ကျဲ …
သွားဖို့ပြန်ဖို့ ဝေးလွန်းမဲမှောင်လို့
စ မှတ်နားမှာ ၊ အေးခဲနားနေခန်းမှာ ၊ စိတ်ကလေးမှာ …
‘အရင်တုန်းကပါ ဗျာ’ တဲ့
ဘယ်သူကမှမယုံလည်း သူကတော့ ယုံလိမ့်မယ်
ကိုယ်ကိုတိုင် မယုံလည်း သူကတော့ ယုံလိမ့်မယ် ။
အဲဒီ…၁၉၉၇ မနက်ခင်း ခင်းနေစဉ်
အဲဒီနေ့ဟာ…မှန်ရှေ့ မှာ အပြန်အလှန် နေ့ဆန်အောင်ပြင်ဆဲ
ဒေါင်လိုက်ဘ၀တစ်လျှောက်မှာ ၊ အတွေးအရောင်ပြန့်တုန်းမှာ ၊ မျက်ဝန်းအကြည့် တစ်ခုမှာ …
ဒီမြင်ကွင်းကို ကူသူကယ်သူမရှိ
တိမ်တွေကို ရွေ့ အောင်ကြည့်လို့မရတော့ဘူး
တိမ်တွေ အုပ်စုလိုက်ရပ်နေ
တိမ်တွေ အဖျားအစွန်းငြိမ်သက်
သူ…မင်းအတွက် စိတ်တွေ တစက်စက်ကျနေတယ် ။
မကြည့်နဲ့ ! မထိနဲ့!
ေ၀၀ါးရုပ်ခန္ဓာဖွဲ့စည်းလွန်း ၊ အခေါ်အပြောရဲလွန်း ၊ သဘာဝနိုင်လွန်းသမို့ …
ညနေဆီရောက်အောင်သွားမယ်လမ်း
၁၉၉၇ မနက်ခင်းမှာ
ဝေး  လွန်း  ခဲ့  တယ် ။ . . ။
ဝေး     လွန်း      ခဲ့       တယ် ။ . . . ။ 

ဝက : Dec 2007

သူငယ်ချင်းသို့.... ၂

အောင်မြင်မှုတွေကြောင့်....ဘ၀ကအဓိပ္ပါယ်ရှိနေတတ်တယ်...
တစ်ခါတစ်လေတော့လည်း...
အောင်မြင်ဖို့ကြိုးစားနေရင်းနဲ့ပဲ...ဘ၀အဓိပ္ပါယ်တွေ ပျောက်ပျောက်သွားတတ်သေးတယ်...

ဆင်ခြင်သုံးသပ်ခြင်းက...အမှားနည်းစေသလို...
တစ်ခါတစ်လေတော့လည်း... တွေဝေမှုတွေဖြစ်စေတယ်...
တွေဝေမှုတွေကပဲ....အခွင့်လမ်းတွေကို လေနှင်ရာဝေးစေတယ်...

တိတ်ဆိတ်ခြင်းက.... စိတ်ကိုအေးငြိမ်းစေတယ်...
တစ်ခါတစ်လေတော့လည်း...
တိတ်ဆိတ်ခြင်းကပဲ.... အထီးကျန်မှုကို အရောင်တက်စေသေးတယ်....

သံယောဇဉ်တွေကြောင့်.....ချစ်ခြင်းတစ်ခု ခိုင်မြဲစေတယ်...
တစ်ခါတစ်လေတော့လည်း...
ချစ်ခြင်းတစ်ခုကြောင့်ပဲ.... အခြားချစ်ခြင်းတစ်ခု ပြိုလဲစေနိုင်သေးတယ်.....

နီးစပ်မှုတွေက.... သာယာခြင်းကိုဖြစ်စေတယ်...
တစ်ခါတစ်လေတော့လည်း...
သာယာမှုတွေကပဲ.... အချစ်လို့ ထင်ယောင်မှားစေတယ်...

အိုကေ

အရသာသိပ်သည်းတဲ့ အနမ်းတွေ
ပြန်မပြောနားမထောင် ဖြစ်ခဲ့တာလဲ .. အိုကေ

ယူတာထက်ပေးတာပိုကောင်းတယ် ဆိုတာ
လက်ဝှေ့သမားတွေပဲပြောတာကြားဖူးပေမယ့် .. အိုကေ

မိုးရွာတုန်း ရေခံချင်ခဲ့ပေမယ့်
မိုးလွန်တာတောင် ထွန်မချဘူးဆိုရင်လဲ .. အိုကေ

သူချစ်တယ် ငါချစ်တယ်
ဒါပေမယ့် ခါးလေ့ရှိကြတယ် .. အိုကေ

ဒီလိုနဲ့ပဲ ...
ရုန်းမထွက်ချင်တော့တဲ့ နွံ
ဘယ်သူ့မှမယုံတဲ့ ပုံပြင်
ကျကွဲသွားတဲ့မာန အပိုင်းအစများ
မမျှော်လင့်ချင်တော့တဲ့မနက်ဖြန်တွေနဲ့

အချစ်ရယ် 
ကိုယ် အိုကေပါတယ် ။ ... ... ။
                                                  
   ၀က

‘ လ ’ငေးသူ

ဘယ်နတ်ဘုရားက အမှတ်မထင်မှားယွင်း
အလှတွေစုပြုံ ဖန်ဆင်းခဲ့သလဲ …?
ဆူးနှင်းဆီတို့လဲငို
စံပယ်တွေ ညိုသလိုဖြစ်
ကြယ်စင်တွေမှိုင်တွေငေး
အို …. မိန်းကလေးရယ် ….

ပန်းနုရောင်လွင် သူ့ပါးပြင်နဲ့
နှင်းဆီရောင်သွေး နှုတ်ခမ်းလေးတစ်စုံ
စံပယ်ဖြူတွေထက် နုညက်အိဝင်း
‘ လမင်း ’ တဲ့ ...

ကြယ်စင်တောက်တယ်ဆိုတာ
သူရောက်လာရင် ပျောက်ကွယ်ရမှာ…။

ဝက : 2000 Sep

အလွဲ

အယူဝါဒတွေကွဲလဲ...
ခံယူချက်တွေ မသဲကွဲနဲ့....
နီးသယောင်ယောင်ဝေးတဲ့ဘ၀တော့...
ငါမမက်မောဘူး...

နင့်ရင်ခုန်သံနင်ပြန်မေး...
(ငါလဲ).. ငါ့ခံနိုင်ရည် ငါပြန်တွေးကြည့်မယ်...
အနီးဆုံးမှာ... ကျောချင်းကပ်နေတဲ့ဘ၀ထက်...
(ငါတို့၂ယောက်) .....
မျက်နှာချင်းဆိုင်ပြီး အဝေးမှာနေနေရတာပဲ
ပိုမျှော်လင့်တော့တယ်...

တကယ်ဆို... ညတာတွေမရှည်ခဲ့ပါဘူး..
ငါ့အတွေးတွေသာ...နယ်လွန်ခဲ့တာ...
တကယ်ဆို.... လင်းအာရုံကနောက်မကျခဲ့ပါဘူး....
ငါ့အိပ်ချိန်တွေကသာ...တိုတောင်းခဲ့တာ...

(လက်ခံလိုက်တယ်...)
ငါဆိုတာ...
နင့်ကမ္ဘာအတွက်...
မိုးလင်းမှရောက်လာတဲ့... လတစ်စင်းသာသာရယ်.....

နောက်ဆုံး

၁။

မင်းရဲ့  ဆံစကနေ
ခြေဖျား အထိ
ငါ့ရဲ့ စိတ်ကိုလောင်းချလိုက်တဲ့အခါ ၊ …

ပန်းချီကားဟာ
သူ့ရဲ့ နောက်ဆုံး စုတ်ချက်ကို
ဝမ်းနည်း ၀မ်းသာ မျက်ရည်စတွေနဲ့
ထာဝရ နှုတ်ဆက်လိုက်တော့တယ် ။


၂။

အံသွားနှစ်ခုကြားမှာ
ညပ်နေတဲ့ အသားစကို
ခံစားမှုမဲ့စွာ လျှာနဲ့ ပြန်ထုတ်နေရသလိုမျိုး ၊ …


မင်းက ငါ့ကို မောဟိုက်စေတယ်
မင်းက ငါ့ကို ရွံရှာစေတယ် ၊


ရင်ဘတ်နဲ့ ဦးနှောက်ကြားမှာ ညပ်နေတဲ့
မိန်းမတစ်ယောက်ကို
ငါ ဘယ်လိုပြန်ဆွဲထုတ်မလဲ ?


၃။

မိရိုးဖလာလွန် ငှက်တစ်ကောင်ဟာ
မိုးကုတ်စက်ဝိုင်းရှိရာ …
ရူးသွပ်စွာ ရှာဖွေပျံသန်းရင်း
နွမ်းလျှစွာ … သူ့အတောင်ပံတွေထဲ
ခေါင်းဝှက်ငိုကြွေး အားတင်းခဲ့ဖူးတယ် ၊


ငါလည် ဒီလိုပါပဲ ငှက်ငယ်ရယ်
အိပ်မက်ထဲမှာ လှုပ်ရှားဖို့ကြိုးစားရင်း …
လှပလွန်းတဲ့ ခရမ်းရောင်ဓားတစ်စင်းကို
တစ်ကိုယ်ထဲ ပိုင်ဆိုင်လိုစိတ်နဲ့ …
ဘယ်ဘတ်ရင်အုံထဲ
တမြည့်မြည့် ဆွဲသွင်းခဲ့ဖူးတယ် ။


၎။

တဆစ်ဆစ် တိုက်စားခံပြီး ချစ်ပြနေရတာတောင်
ကျောက်ဆောင်ရဲ့ ရင်ဘတ်ကို
အမြဲတမ်း ပုတ်ခတ်နာကျင်စေတဲ့ ‘ပင်လယ်’ ၊

သွေးစက် လှလှတွေရွေးပြီး
မာနကြိုးနဲ့သီထားတဲ့သရဖူကိုမှ
မဲ့ပြုံးတစ်စနဲ့ ပယ်ချတတ်တဲ့ ‘ဘုရင်မ’ ။


၅။

ငါက ..
သုညအစ သုညအဆုံး နက္ခတ်တွေခြံရံလို့
မြေကြီးကိုတောင် မော့ကြည့်နေရသလိုမျိုး
ကြမ္မာဆိုးတဲ့ စေတန်ပါ ၊


ငါက ..
ကံစီမံရာလမ်းကြောင်းကို
စကားတခွန်းနဲ့ မပြောင်းခဲ့ဘူး ၊


ငါက ..
အိပ်မက်တွေ ဖွယ်ဖွယ်ရာရာပြင်ဆင်
ကောင်းကင်ပြင်အလျားဆန့်သလောက်
ငါ့ ရမ်သမ်တွေရောက်အောင် ၊


ငါက .. ( ဒါပေမယ့် .. )
တံလျှပ်တွေနဲ့ ရေမချိုးပါဘူး
သူယောင်မယ်တွေနဲ့ မလောင်ကျွမ်းပါဘူး ၊


ငါက ..
အတိတ်ကို အနာဂတ်မှာ
ပြန်မျှော်လင့်ရုံသက်သက်နဲ့
ဒီခရီးကို ဆက်ခဲ့တာပါ … ။


၆။

တန်ခိုးရှင် ကိုးကွယ်မှုကို စိတ်ပျက်ဆန့်ကျင်တဲ့ ငါဟာ …
မင်းရဲ့  လရောင်ဆန်တဲ့ ဖန်ဆင်းမှုတွေအောက်မှာ…
…
ဧဒင် ဥယျာဉ်ကိုလည်း ယုံတယ်
အာဒံရဲ့ အိပ်မက်ကိုလည်း ယုံတယ် ။


၇။

ပိုးတုံးလုံးကောင်လေးတွေလို
သူ့ကြိုးတွေနဲ့သူ ပိတ်လှောင်သေဆုံးပြီးကာမှ …
ဘ၀ကို …
အတောင်ပံတွေနဲ့ ပြန်စခွင့်
မရရင်လည်းနေ …
မင်းကိုတော့ ချစ်နေပါရစေ ၊


အောက်ဆုံးဆူးက စနမ်းမှ
နှင်းဆီရဲ့ ရနံ့ကို တို့ထိခွင့်ရမယ်ဆိုလည်း …
သွေးစက်လက်ကျပါစေ
မင်းရဲ့ ရက်စက်မှုမှာ …
ကျေနပ်ကြည်နူးစွာ
ရူးနေပါရစေ ။


 ၈။

မင်းရှူထုတ်လိုက်တဲ့
လေသားနုနုကိုမှ
ဒဏ်ရာတစ်ထောင်နဲ့ လဲပြီးဝယ်ခဲ့တဲ့ ကောင် ၊
…

ပန်းနုရောင်လည်တိုင်စပ်က
မင်း ချွေးပွင့်လေးတစ်စကိုတောင်
တောင်းတောင်းပန်ပန်နဲ့ ပုံတူဆွဲယူခဲ့တဲ့ကောင် ၊
…

ဟိုး အဝေးက …
ပျံသန်းလာတဲ့ အိပ်မက်တောင်
မင်းပါမှ မက်တဲ့ကောင် အတွက် ၊
…

‘ကမ္ဘာကနေကိုပတ်တယ်’ ဆိုတာမျိုးလောက်သာ
မင်း ငါ့ကို နားလည်စမ်းပါ . . . ငါ့ကို ။


၉။

ငါ့ရဲ့ အလင်းကြောင့် မင်းပူပြင်းနေရတယ် ဆိုရင်
ငါ့ရဲ့ ဘ၀ကို အမှောင်အတိချထားလိုက်ပါမယ် ၊ ..


မင်းမှန်ဖို့အတွက် ငါမှားပေးရရင်လဲ
ငါ့အတွက်ကတော့ တရားနေမှာပဲ ၊..


ညတိုင်းအလွမ်းပြုသမျှ နုနေရတဲ့
မင်းလက်ခုပ်ထဲက ‘ရေ’ ဟာ ငါပါ ၊ ..


ပလုတ်ကျင်းချင်ကျင်း၊ ခြေဆေးချင်ဆေး
မင်းအတွက် အေးမြစင်ကြယ်ခြင်းကိုပေးမယ် ။


၁၀။

ဒါပေမယ့်…


၁၁။

တဖြည်းဖြည်းနဲ့ …
မော်ဖိန်းထိုးဖန်များတဲ့ သစ်ပင်ဟာ
အရွက်အုပ်ဆိုင်းဆိုင်းထဲ
အကိုင်းရှာမရသလို … ၊


တဖြည်းဖြည်းနဲ့ …
မာယာသောက်ကြူးတဲ့ အဆိပ်လူးနှုတ်ခမ်းဟာလည်း
အနမ်းချိုပျစ်ပျစ်ထဲ
အချစ်ရှာမရဘူး … ။


၁၂။

ငါ သိလာခဲ့တယ်


၁၃။

ဖွင့်လို့မရတဲ့ တံခါး ကို
နံရံ လို့ ခေါ်သင့်မခေါ်သင့် …၊


ပြုံးလို့မရတဲ့ လူသား ကို
စေတန် လို့ ခေါ်သင့်မခေါ်သင့် …။


၁၄။

ဆက်တိုက် ..
ငါ…ထပ်ပြီး သိလာခဲ့တယ်


၁၅။

ကြယ်ပန်းလေးကို ၀တ်မှုံကူးဖို့
လိပ်ပြာတစ်ကောင်ရဲ့ စိတ်ကူးဟာ
……….
အိပ်မက်တွေနဲ့သာရူးခဲ့ရသလိုမျိုး …၊

ရွက်လွင့်မယ်ဆိုတဲ့ ကျောက်တုံး…
ငါ …
ရေစပ်မှာပဲ ရှုံးနိမ့်မြဲ
ရှုံးနိမ့်နေရဦးမှာပဲ … ဆိုတာ ၊၊



၁၆။

တုန့်ပြန်မှုမရခဲ့တဲ့ ငါ့အပြုံးအတွက်
ငါ ပြန်သနားခဲ့ရတာက ဘ၀တစ်ဆုံးဖြစ်ခဲ့ရပြီးတဲ့နောက် ….


၁၇။  

ငါလေ …



၁၈။   

ငါ …



၁၉။

  ..



၂၀။

[နိဒါန်း]…

အမှန်တွေကို ငါရေးခဲ့သော်လည်း
ချစ်သူမယုံမှန်း ငါသိပြီးဖြစ်သည် ၊

ထို့နောက်…ချစ်သူ၏မျက်နှာကို
တသက်စာအတွက် အလွတ်ကျက်ခါ
ငါထွက်လာခဲ့သည်။
မဆုံချင်လည်း…ရှိစေတော့…။         ။

ဝက : 2005-2010 Nov.

စခန်းအမှတ် (၇)

ဖြူစင်မှုကိုသန့်စင်ဆေးကြောဖို့ ..
ဒါမှမဟုတ်
ဝေဒနာကို အနာတရဖြစ်အောင် ဒဏ်ရာနဲ့တကွ
နာကျင်ခံခက်စေဖို့ … ၊

ဝင်လေထွက်လေရဲ့ ကြား
ညများစွာ ညများစွာ …
မူလစိတ်ဓာတ်ကွယ်ရာ ဖိတ်ခေါ်မှုထဲ
ေ၀၀ါးစွာေ၀၀ါးစွာ … ၊

စက်ဝိုင်းတဖက်တချက်ဆီ
ဇာတိပြောသမျှ မရဏ အပြုံးလှအောင် …
ဟိုးရှေးရှေးကတည်းက
ဇရာက ခါးကုန်းပေးခဲ့ရသလို … ၊

ပိုးကုန်မှာ မကြောက်တော့တဲ့
မောင်ပုံ့ အိတ်ကပ်ထဲမှာ ….

မင်းနဲ့ငါ မရှိတော့
တောအုပ်နဲ့လွင်ပြင်မရှိတော့
အမည်နာမနဲ့ သဏ္ဍန်မရှိတော့
အချိန်ကာလနဲ့ကြွယ်ဝမှုမရှိတော့
စပ်ဆပ်သိစိတ်နဲ့ တည်မြဲခြင်း မရှိတော့ ။ ။

ဝက : 2005 Sep

အချစ်ဝတ္တု

ဒုတိယအရွယ်လို့ သတ်မှတ်ကြတဲ့ ၂၅နှစ်သား
ကြီးကောင်ကြီးမားနဲ့ အရူးထတယ်ပဲဆိုချင်ဆို
အခုမှ ပေါက်တောက်တောက်နဲ့လို့ပြောချင်ပြော

ကိုယ့်အခြေအနေ ကိုယ်အသိဆုံးမို့လား

လူသားတိုင်း တစ်သက်မှာတစ်ခါတော့
ဒီလိုအချစ်ရူးမျိုးရူးဖူးသင့်တယ်

ဥဒေါင်းဖိုတွေတောင်မှ ကိုယ့်မိတ်ဖက်ကို
တွေ့တဲ့အခါ အရှက်မရှိဖင်ဆီဖူးပေါ်အောင်
အမြီးကြီးဖြန့် ပြကြသေးတာပဲ

လုံလုံခြုံခြုံကျိတ်ရူးမိတာ ဘာဖြစ်လဲဗျာ

ပြီးတော့ ကြမ်းတမ်းလှတဲ့ ဟောဒီသဘာဝ
လောကကြီးထဲမှာ စာဘူးတောင်းငှက်ကလေးတွေတောင်
မီးရထားလမ်းဘေး ဓါတ်ကြိုးသေးသေးပေါ်မှာ လေမိုးမလုံမခြုံ
အသိုက်ကလေးတွဲလဲနဲ့ အချစ်အတွက် ဘ၀အတွက်
အံတုရဲရင့်ကြသေတာပဲ

ကျွန်တော်လို ဘွဲ့ရပြီးလောကဓာတ်ပညာတွေ တတ်ထားတဲ့
ယောင်္ကျားရင့်မကြီးအဖို့ မျှော်လင့်စရာတပြွတ်ကြီးဗျာ တပြွတ်ကြီး !

အချို့ ပင့်ကူမျိုးနွယ်တွေဟာ သူတို့သဘာဝ
ချစ်မှုရေးရာကိစ္စပြီးကြရင် အဖိုတွေက
သေသွားကြရော တဲ့
သူတို့လိုတော့ အချစ်အတွက်အသက်မစွန့်နိုင်ပေမယ့်
ဂဏန်းကောင်လေးတွေလိုတော့ ကာကွယ်စောင့်ရှောက်နိုင်ပါတယ်
သိတယ်မို့လား သူတို့အကြောင်းကို ?

တစ်ကောင်နဲ့တကောင် သဘောကျလေ့လာပြီးလို့
ချစ်တော့မယ်ဟေ့ဆိုရင် ဂဏန်းအမလေးက သူ့အပေါ်အခွံမာကြီးကို
အင်္ကျီချွတ်သလို ချွတ်ချပေးလိုက်ရော
အဲဒီအခါကျမှ …
အဲ…ပြီးမှပြန်ဝတ်ချင်လဲမရတော့ဘူးဗျ
သဘာဝဘေးအန္တရာယ်ကာကွယ်နိုင်အောင်
အခွံမာပြန်ဖြစ်လာအောင် အတော်ကြာစောင့်ပြီး
ပုန်းနေရတာ
အဲဒီမှာ အထီးကအစာရှာပေး၊ စောင့်ရှောက်ပေးနဲ့
ကျွန်တော်က အဲ့ဒီလိုဂဏန်းထီးထက်တော့ အများကြီးသာနိုင်တာပေါ့

မေမေ ဖတ်ဖို့

နှစ်ပေါင်း ( ၅၆ ) နှစ်ကျော်ကြာ အမေရှင်သန်နေထိုင်လာခဲ့
သားမွေးဖွားလာတဲ့ ( ၁၉၈၆ ) ကာလကအစ ကျန်တဲ့ ( ၂၅ ) နှစ်လုံးလုံး
အခုထိရက်ပေါင်း ( ၉၀၀၀ ) ကျော် နာရီပေါင်း ( ၂ )သိန်းကျော်
စက္ကန့်ပေါင်းအသင်္ချေ
အမေ့ဆီက အရာအားလုံး အချိန်အားလုံးကို
ဒီနတ်ဆိုး နဲ့ နတ်သားရောစပ်ရာ ၀ိညာဉ်ငယ်လေးက ခိုးစရာ၊ တောင်းစရာမလိုဘဲ ရရှိခဲ့တာပါ။

·         လက်ပြင်မှာ အဆိပ်မြှားစိုက်လျှက် သွေးစက်လက်နဲ့
သားငယ်ကိုမသေခင်နို့တိုက်ဖို့ ၀ပ်ကျင်းပြန်နေတဲ့ အာဇာနည် ၀ံပုလွေမတစ်ကောင်လိုလဲ ရင်သွေးအတွက် နာကျင်မှုမဲ့ ဇောတွေနဲ့…

·         မြိုချပြီးသား အစားအစာတွေကိုမှ ခံရခက်ခဲစွာ ပြန်လည်အန်ထုတ်ကျွေးမွေးခဲ့တဲ့ ဂုဏ်ယူဖွယ် မိခင်ငှက်မကြီးရဲ့  မေတ္တာမျိုးနဲ့…

·         အရှက်ရဆုံးအလုပ်နဲ့ အစားတစ်လုပ် လဲလှယ်လူမမယ်သားငယ်အတွက် တောင်းရမ်းရတဲ့ သူဖုန်းစားမိခင်တွေရဲ့  သတ္တိဇွဲနဲ့…

ဒါတွေဟာ ဂုဏ်ယူလေးစာမှု အပြည့်နဲ့သားဥပမာအဖြစ်သာ ကျေးဇူးတွေရင်နဲ့ရင်းပြီး ရေးစပ်လိုက်တာပါအမေ…
“ မပြောတော့ပါဘူးဆိုတာ ” မြိုသိပ်ဖို့အခက်ခဲဆုံးအရာ
“ သားသိလာမှာပါဆိုတာ ” မပြောရက်တဲ့အမေ့တ္တော
“ ဟာ အမေ့အတွက်မလိုပါဘူး ” ဆိုတာ သားအတွက်သိမ်းဆည်းတဲ့ အမေ့ရဲ့ စောင့်ဆည်းမှု
မိုက်မဲစွာ တစ်ခါတစ်ရံသားအော်မိတဲ့အခါ အမေထပ်မပြောတော့တာ
“ သားငရဲထပ်ကြီးမှာစိုးလို့ ” ဆိုတာအမေ့ရဲ့ သည်းခံခြင်း